ශ්‍රී ලංකාවේ දැනට භාවි­ත­යට නොගන්නා ඉඩ­ම්වල ආයෝ­ජන ව්‍යාපෘති ආරම්භ කිරී­මට චීනයේ අව­ධා­නය යොමුව ඇත.

ඉඩම් කොම­සා­රිස් ජන­රාල් දෙපා­ර්ත­මේ­න්තුව, ඉඩම් ප්‍රති­සං­ස්ක­රණ කොමි­ෂන් සභාව සහ මහ­වැලි අධි­කා­රි­යට අයත් දැනට භාවි­ත­යට නොගන්නා ඉඩම් මේ සඳහා යොදා ගැනී­මට අව­ධා­නය යොමු වී ඇත.එවැනි ඉඩ­ම්වල විශාල ප්‍රමා­ණයේ කිරි නිෂ්පා­දන ගොවි­පොළ සහ අප­න­ය­නය ඉලක්ක කර ගත් එළ­වළු, පල­තුරු ආදි කෘෂි නිෂ්පා­දන සිදු කිරීම ඔවුන්ගේ අර­මුණ වී ඇත.

කෘෂි­කර්ම, පශු සම්පත්, ඉඩම් සහ වාරි­මාර්ග අමාත්‍ය කේ.ඩී. ලාල්කාන්ත මහතා සහ චීන වාණිජ මණ්ඩ­ලයේ නියෝ­ජිත පිරි­සක් අතර මේ සම්බ­න්ධ­යෙන් සාක­ච්ඡා­වක් පසු­ගි­යදා කාෂි­කර්ම අමා­ත්‍යාං­ශ­යේදී පැවති අතර එහි දී මේ පිළි­බඳ වන නිශ්චිත යෝජ­නා­ව­ලි­යක් ඉදි­රි­පත් කෙරිණි. චීන නියෝ­ජිත පිරිස මේ යෝජ­නා­ව­ලිය ජනා­ධි­පති ලේකම් කාර්යා­ලය වෙතද ඉදි­රි­පත් කිරී­මට කට­යුතු යොදා තිබේ.

The post මෙරට භාවිතයට නොගන්නා ඉඩම්වල මහා පරිමාන ගෙ‍ාවිපොළ ඉදි කිරීමට චීනයෙන් යෝජනා appeared first on Govdoc Blog.

2025 අයවැය යෝජනා පරිදි කෘෂිකර්ම හා කර්මාන්ත අංශයේ නියුතු ව්‍යවසායකයින් සංවර්ධනය කිරීම සඳහා සහනදායී ණය යෝජනා ක්‍රමයක් ක්‍රියාත්මක කිරීමට කැබිනට් අනුමැතිය හිමිවී තිබෙනවා.

ආයෝජන දිරිමත් කිරීම සඳහා සහනදායී මූල්‍ය පහසුකම් නොමැති වීම කෘෂිකාර්මික අංශයේ ව්‍යවසායකයින් ඇති කිරීමට බාධාවක් ලෙස හඳුනාගෙන තිබෙනවා.එම තත්ත්වය කෘෂිකර්මාන්තය සඳහා තරුණ ව්‍යවසායකයින්ගේ ආකර්ෂණය අඩු වීමට මෙන් ම, වගා නොකළ ඉඩම් ප්‍රමාණය ඉහළ යාමට හා ආහාර නිෂ්පාදනය පහළ යාමට හේතු වන බව ද නිරීක්ෂණය කළා.

එබැවින්,

2025 අයවැය යෝජනාවක් පරිදි කෘෂිකර්ම හා කර්මාන්ත අංශයේ නියුතු ව්‍යවසායකයින් සංවර්ධනය කිරීම සඳහා සහනදායී ණය යෝජනා ක්‍රමයක් ක්‍රියාත්මක කිරීම පිණිස රුපියල් මිලියන 500ක ප්‍රතිපාදන වෙන් කර තිබෙනවා.

මෙම ව්‍යාපෘතිය වසර 05ක කාලයක් සඳහා ක්‍රියාත්මක වන අතර, ප්‍රතිලාභියෙකුට උපරිම ණය පහසුකම වශයෙන් රුපියල් මිලියන 05ක් ලබා දීමට යෝජනා වුණා.

අදාළ සහනදායී ණය යෝජනා ක්‍රමය යටතේ ප්‍රතිලාභීන්ගෙන් අය කළ යුතු පොළිය, හිඟ ණය මුදලින් වාර්ෂිකව 4%ක් බවයි සඳහන් වෙන්නේ

ඒ අනුව, වසර 05ක් ඇතුළත කෘෂිකාර්මික ව්‍යවසායකයින් 50,000ක් නිර්මාණය කිරීමේ රජයේ අරමුණ ද සාක්ෂාත් කර ගත හැකි වන පරිදි අදාළ සහනදායී ණය යෝජනා ක්‍රමය ලංකා බැංකුව, මහජන බැංකුව හා ප්‍රාදේශීය සංවර්ධන බැංකුව සමඟ එක් ව ක්‍රියාත්මක කිරීම පිණිස කෘෂිකර්ම, පශු සම්පත්, ඉඩම් සහ වාරිමාර්ග අමාත්‍යතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කළා.

අදාළ කැබිනට් තීරණය පහතින්.

The post තරුණ ව්‍යවසායකයින් දිරිමත් කිරීම සඳහා සහනදායි ණය යෝජනා ක්‍රමයක්. appeared first on Govdoc Blog.

• ගොවීන් සඳහා පොහොර සහනාධාරය ලබා දීම ඩිජිටල් ක්‍රමවේදය ඔස්සේ ක්‍රියාත්මක කිරීමට අමාත්‍ය මණ්ඩල අනුමැතිය ලැබී තිබේ.
• රජය සඳහන් කළේ, ගොවින් වෙත පොහොර සහනාධාර ලබා දීමේදී ගොවින් වෙත එකී සහනාධාරය නිසි වේලාවට ලැබෙන බව සහ එම මූල්‍යාධාරය ඔවුන් විසින් සිය ගොවිතැන් කටයුතු සඳහා වන පොහොර අවශ්‍යතාව සඳහා සම්පුර්ණ වශයෙන් යොදා ගන්නා බව සහතික කර ගැනීමේ අවශ්‍යතාව මතුව ඇති බව ය.
• එබැවින්, එම පසු විපරම් කාර්යයට ද පහසුකම් සලසමින් ගොවි ජනතාවට පොහොර ලබා දීම වඩා විධිමත්ව හා කාර්යක්ෂමව සිදු කිරීම සඳහා QR කේතය හෝ සුදුසු ඩිජිටල් ක්‍රමවේදයක් යොදා ගැනීමේ යෝග්‍යතාව හඳුනාගෙන ඇති බව රජය සඳහන් කරයි.
• ඒ අනුව, පොහොර සහනාධාර වැඩසටහන සඳහා සුදුසුකම් ලබන සියලු ගොවීන් කෘෂිකර්ම අමාත්‍යාංශය යටතේ සිටින ප්‍රාදේශීය නිලධාරින් මගින් හඳුනා ගැනීමටත්, එසේ සුදුසුකම් ලබන ගොවි ජනතාව වෙත පොහොර සහනාධාරය ලබා දීම සඳහා QR ක්‍රමවේදය හෝ සුදුසු ඩිජිටල් යාන්ත්‍රණයක් සැකසීමට කැබිනට් අනුමැතිය ලැබී තිබේ.
• ඩිජිටල් ආර්ථික අමාත්‍ය ලෙස ජනාධිපති අනුර කුමාර දිසානායක සහ කෘෂිකර්ම, පශු සම්පත්, ඉඩම් සහ වාරිමාර්ග අමාත්‍ය ලාල්කාන්ත ඉදිරිපත් කළ ඒකාබද්ධ යෝජනාව අමාත්‍ය මණ්ඩලය විසින් අනුමත කරන ලදී.

The post පොහොර ලබා ගන්න ගොවීන්ට QR ක්‍රමවේදයක් appeared first on Govdoc Blog.

ඒ අනුව, වී, බඩ ඉරිඟු, අර්තාපල්, මිරිස්, ලොකුලුණු සහ සෝයා බෝංචි යන බෝග වර්ග 6 සඳහා මෙම වන්දි මුදල ලබා දෙන බව රජය පැවසීය.

රජය සඳහන් කළේ, පසුගිය දිනවල පැවති අයහපත් කාලගුණික තත්ත්වය හේතුවෙන් බොහෝ දිස්ත්‍රික්කවල නිවාස, මහා මාර්ග, කුඹුරු හා වගා භූමි ජලයෙන් යටවීමත්, වැව් අමුණු හා ඇළවේලි විශාල ප්‍රමාණයක් කැඩී යාමත් හේතුවෙන් මහ ජනතාවට විවිධ අපහසුතාවයන්ට මුහුණ පෑමට සිදු වූ බව ය.

ගොවිජන සංවර්ධන දෙපාර්තමේන්තුවේ දත්තවලට අනුව 2024.12.02 දින වනවිට දිවයින පුරා දළ වශයෙන් කුඹුරු අක්කර 86,225ක් පමණ අර්ධ හානියට ලක්ව ඇති බව ත් ඊට අමතරව සුළු වාරිමාර්ග 173ක් පුර්ණ වශයෙන් විනාශ වී ඇති අතර 1,148කට අර්ධ වශයෙන් හානි සිදු වී ඇති බව ත් රජය පැවසීය.

එසේ ම, නුවරඑළිය දිස්ත්‍රික්කයේ පමණක් එළවළු වගා අක්කර 750ක් පමණ විනාශ වී ඇති බවට වාර්තා වී තිබේ.

තව ද, හානියට පත් කුඹුරුවල නැවත මාස 2 1/2 හෝ මාස 3කට ‘වී’ ප්‍රභේදයන් හෝ සුදුසු කෙටිකාලීන බෝගයන් වගා කිරීම සඳහා අවශ්‍ය බිත්තර වී සහ බීජ සපයා දීමට කෘෂිකර්ම දෙපාර්තමේන්තුව කටයුතු කරමින් පවතින බව රජය පැවසීය.

පවතින වගා රක්ෂණ යෝජනා ක්‍රමය යටතේ වී වගාව සඳහා උපරිම වශයෙන් හෙක්ටයාර 2ක් (අක්කර 5ක්) දක්වා අක්කරයකට උපරිම වශයෙන් රුපියල් 40,000ක හානි පුර්ණයක් ලබා දෙයි.

බඩ ඉරිඟු, අර්තාපල්, මිරිස්, ලොකුලුණු සහ සෝයා බෝංචි යන බෝග වර්ග 5 සඳහා උපරිම වශයෙන් හෙක්ටයාර 1ක් (අක්කර 2.5) දක්වා අක්කරයකට උපරිම වශයෙන් රුපියල් 40,000ක හානි පුර්ණයක් 2025 වර්ෂය සඳහා කෘෂිකර්ම හා ගොවිජන රක්ෂණ මණ්ඩලය වෙත වෙන් කරනු ලබන ප්‍රතිපාදනවලින් ලබා දීමට ඉදිරියේදී කටයුතු සිදු කරන බව රජය පැවසීය.

කෘෂිකර්ම, පශු සම්පත්, ඉඩම් සහ වාර්මාර්ග අමාත්‍ය ලාල්කාන්ත විසින් මෙම යෝජනාව අමාත්‍ය මණ්ඩලයට ඉදිරිපත් කරනු ලැබ තිබේ.

The post අයහපත් කාලගුණය හේතුවෙන් හානි වූ බෝග 6කට රජයෙන් වන්දි appeared first on Govdoc Blog.

කෘෂිකර්ම දෙපාර්තමේන්තුව – බස්නාහිර පළාත් සභාව

• අධ්‍යාපනික සුදුසුකම්

සාමාන්‍ය පෙළ විභාගයේදී ආගම, සිංහල භාෂාව (භාෂාව සහ සාහිත්‍යය), ගණිතය සහ විද්‍යාව ඇතුළු විෂයයන් හයක් සමත් වීම (වාර දෙකකට නොවැඩි වාරයකින් ණය සාමාර්ථ 02ක් සමඟින්).

• වෙනත් සුදුසුකම්

i.ශ්‍රී ලංකාවේ පුරවැසියෙකු විය යුතුය.

iiඅයදුම්පත් කැඳවන දිනට සියලුම අයදුම්කරුවන් වයස අවුරුදු 17-25 අතර විය යුතුය.

iii.අයදුම්කරුවන් අවිවාහක පුද්ගලයන් විය යුතු අතර වසර 01ක පාඨමාලා කාලය පුරාවට ඔවුන් අවිවාහකව සිටිය යුතුය.

iV.ප්‍රායෝගික කෘෂිකර්මාන්තයේ නියැලීම සඳහා හොඳ ශාරීරික තත්ත්වයකින් යුක්ත විය යුතුය. (රජයේ වෛද්‍ය නිලධාරියෙකුගෙන් ලබාගත් සහතිකයක් සාක්‍ෂියක් ලෙස පාඨමාලාව සඳහා ලියාපදිංචි කිරීමේදී ඉදිරිපත් කළ යුතුය)

V. සුදුසුකම් සපුරා ඇති අයදුම්කරුවන් බස්නාහිර පළාතේ  කෘෂිකර්ම අධ්‍යක්ෂක විසින් පවත්වනු ලබන ලිඛිත පරීක්ෂණයකින් හෝ සම්මුඛ පරීක්ෂණයකින් තෝරා ගනු ලැබේ.

Vi.කෘෂිකාර්මික කටයුතුවල නියැලී සිටින සහ එය වෘත්තියක් ලෙස කරගෙන යාමට සූදානම් පුද්ගලයින්ට මනාප ලබා දෙනු ලැබේ.

VII.අයදුම්කරු පදිංචිව සිටින වසමේ ග්‍රාම නිලධාරීගෙන් ලබාගත් පදිංචිය පිළිබඳ සහතිකයක් මගින් ස්ථිර පදිංචිය තහවුරු කළ යුතුය.

Source – Click Here

English Advertisement – Click Here

Sinhala Advertisement – Click Here

English Application – Click Here

Sinhala Application – Click Here

The post වෘත්තීය කෘෂිකර්ම පුහුණු පාඨමාලාව – කෘෂිකර්ම පුහුණු මධ්‍යස්ථානය appeared first on Govdoc Blog.

අධ්‍යාපන අමාත්‍යාංශය

නිපුණතා සංවර්ධන, වෘත්තීය අධ්‍යාපන, පර්යේෂණ හා නව නිපැයුම් අංශය

කෘෂි යන්ත්‍රෝපකරණ කාර්මික ශිල්පී පාඨමාලාව 2024

කලාපීය මධ්‍යස්ථානය – ආණමඩුව

ලංකා ජර්මානු කාර්මික අභ්‍යාස ආයතනීය ආණමඩුව කලාපිය මධ්‍යස්ථානයෙහි ආරම්භ කෙරෙන ඉහත පාඨමාලාව සඳහා ආධුනික / ආධුනිකාවන් ඇතුළත් කර ගැනීමට පහත දැක්වෙන සුදුසුකම්ලත් ස්ත්‍රී පුරුෂ දෙපාර්ශවයෙන්ම අයදුම්පත් කැඳවනු ලැබේ.

• අධ්‍යාපන සුදුසුකම් අ.පො.ස.(සා. පෙළ) දක්වා
• මාධ්‍ය : සිංහල
• පාඨමාලා කාලය : වසර 01  1/2 (සතියේ දිනවල)
• පාඨමාලා ගාස්තූ : පාඨමාලා ගාස්තු අයකරනු නො ලබන අතර රාජ්‍ය ප්‍රතිපත්තිය අනුව පුහුණු දීමනාවක් ගෙවනු ලැබේ.

පාඨමාලා අන්තර්ගතය:

1. මූලික කර්මාන්තශාලා හා පැස්සුම් පුහුණුව
2. බිම් සකස් කිරීම, පැළ සිටුවීම, ජල සම්පාදනය, පැළෑටි ආරක්ෂා කිරීම සහ අස්වනු නෙලීම සඳහා භාවිතා කරන යන්ත්‍ර සහ උපකරණ අලුත්වැඩියාව
3. එන්ජින් සම්ප්‍රේෂණ, තිරිංග සහ සුක්කානම් පද්ධති අලුත්වැඩියාව
4. කෘෂියන්ත්‍ර සහ උපකරණ වල හයිඩ්‍රොලික් පද්ධති අලුත්වැඩියාව

2024.07.31 දිනට වයස අවුරුදු 16 ට නොඅඩු සහ 22 ට නොවැඩි විය යුතුය. ඉහත සඳහන් සුදුසුකම් සපුරාලන අයදුම්කරුවන් පහත දැක්වෙන ආදර්ශ අයදුම්පත්‍රය පරිදි A4 ප්‍රමාණයේ කඩදාසියක පිළියෙල කරගත් අයදුම්පත මධ්‍යස්ථානාධිපති, ආණමඩුව කලාපීය මධ්‍යස්ථානය, තම්මැන්නාගම, ගම් උදාව භුමිය යන ලිපිනයට 2024.09.04 දිනට හෝ ඊට පෙර ලියාපදිංචි තැපැල් මගින් යොමු කළ යුතුය. ලියුම් කවරය ඉහළ වම් කෙළවරේ ” ආණමඩුව කලාපීය මධ්‍ය ස්ථානයට ආධුනිකයින් බඳවා ගැනීම – 2024″ යනුවෙන් සඳහන් කළ යුතුය. පාඨමාලාව සාර්ථකව හැදෑරීමෙන් පසු පවත්වනු ලබන පරීක්ෂණ වලින් සමත්වන අය හට කලාපීය මධ්‍යස්ථානය මගින් නිකුත් කරනු ලබන සහතිකය සහ ජාතික වෘත්තීය සුදුසුකම් සහතිකය (NVQ Level 04) පිරිනැමේ.

කළමනාකාර – පරිපාලන හා මානව සම්පත් ලංකා ජර්මානු කාර්මික අභ්‍යාස ආයතනය.

වෙබ්: www.cgtti.lk

ආදර්ශ අයදුම් පත්‍රය

The post කෘෂි යන්ත්‍රෝපකරණ කාර්මික ශිල්පී පාඨමාලාව 2024 – ලංකා ජර්මානු කාර්මික අභ්‍යාස ආයතනය appeared first on Govdoc Blog.

• කාලය: අවුරුදු 02 (සතියේ දිනවල)

• මාධ්‍යය: ඉංග්‍රීසි

• අයඳුම්පත් භාර ගන්නා අවසාන දිනය: 2024.07.21

For More Details – Click Here

The post ගොවිපල යන්ත්‍රෝපකරණ තාක්ෂණ ජාතික ඩිප්ලෝමාව 2024 appeared first on Govdoc Blog.

• කාලය: අවුරුදු 03 යි
• පාඨමාලා ගාස්තුව: රු.250,000/=
• මාධ්‍ය: ඉංග්රීසි
• මාදිලිය: මාර්ගගත සහ භෞතික

The post ආහාර ව්‍යාපාර සහ අලෙවිකරණ (බාහිර) උපාධි වැඩසටහන සඳහා අයදුම්පත් කැඳවීම. appeared first on Govdoc Blog.

Advertisement

The post උසස් ජාතික ඩිප්ලෝමා පාඨමාලාව හැදෑරීමට ශ්‍රී ලංකා කෘෂිකර්ම විද්‍යාලවලට සිසුන් ඇතුළත් කිරීම appeared first on Govdoc Blog.

QR ක්‍රමවේදය භාවිත කරමින් එවිට ගොවීන්ට පොහොර, බීජ වැනි දෑ ලබාගැනීමට ඉඩප්‍රස්ථාව හිමිවන බව ද අමාත්‍යවරයා සඳහන් කළේය.

හෙක්ටර් කොබ්බෑකඩුව ගොවිකටයුතු පර්යේෂණ හා පුහුණු ආයතනයේ දී පැවැති කෘෂි ව්‍යවසායකයින් පිරිසක් විසින් සංවිධානය කරන ලද පුද්ගලික ව්‍යවසායකත්ව වැඩ මුළුවකට සහභාගි වෙමින් අමාත්‍යවරයා මේ බව කියා සිටියේය.

මෙහිදී වැඩිදුරටත් අදහස් දක්වමින් අමාත්‍යවරයා පවසා සිටියේ, ගොවි ජනතාව පොහොර ගැටලුවෙන් බොහෝ සේ පීඩාවට පත්වු බවත් ඔවුන් වෙනුවෙන් මේ වසර තුළ ද පොහොරවලට අමතරව සහන ලබාදීමට කටයුතු කරන බවත්ය.

මේ අතර ජාතික කෘෂිකර්ම ප්‍රතිපත්තිය අප්‍රේල් අවසන් සතියේ අමාත්‍ය මණ්ඩලයට ඉදිරිපත් කිරීමට පියවර ගන්නා බව කෘෂිකර්ම අමාත්‍ය මහින්ද අමරවීර මහතා පැවසීය.

මේ වනවිට කෙටුම්පත් කර අවසන් කර ඇති ජාතික කෘෂිකර්ම ප්‍රතිපත්තිය අමාත්‍ය මණ්ඩල අනුමැතියෙන් අනතුරුව පාර්ලිමේන්තුවට ඉදිරිපත් කිරීමට පියවර ගන්නා බව අමාත්‍යවරයා සඳහන් කළේය.

රජයන් හෝ අමාත්‍යවරුන් වෙනස් වන විට වෙනස් නොවන, කෘෂිකර්ම ජාතික ප්‍රතීපත්තියක් සකස් කිරීම තම අරමුණ බව මහින්ද අමරවීර අමාත්‍යවරයා පවසයි.

සියලුම ගොවි නියෝජිතයින්ගේ අදහස් හා යෝජනා ද ජාතික කෘෂිකර්ම ප්‍රතිපත්තිය සඳහා ලබාගැනීමට ද කටයුතු කර ඇති බව අමාත්‍යවරයා වැඩිදුරටත් සඳහන් කළේය.

වැඩිදුරටත් අදහස් දැක්වු අමාත්‍යවරයා,

“අපි කෘෂි කේෂ්ත්‍රයේ ඉදිරියට යන්න නම්, ගන්න ඕනේ පියවර රැසක් තියෙනවා. ඒක පොහොර දීම විතරක් නෙමෙයි. අපි පොහොර ටික දීලා දැන් හරි කිව්වොත් ඒක නිවැරදි නෑ. ගොවීන්ට තිබුණ ලොකුම ප්‍රශ්නය රසායනික පොහොර අපි දෙන්න පටන් ගත්තා. එන කන්නය දැන් සම්පූර්ණ ආරක්ෂාව අපි දීලා තියෙනවා. ඊයේ අවසාන තීන්දුව ගත්තා ජනපති ප්‍රධානත්වයෙන් යුත් කමිටුවේ දී. කැබිනට් මණ්ඩලයට සඳුදා යොමු වෙනවා. පොහොර ප්‍රශ්නයක් එන කන්නය තුළ ඇති විය නොහැකියි. මඩ පොහොර දැනටමත් ඒ ප්‍රදේශවලට යවලා තියෙනවා. එන සතියේ සඳුදා වෙද්දි පොහොර ඔක්කෝම බෙදලා ඉවර කරනවා.

ඒ වගේම අපි විශ්වාස කරනවා මේ පොහොර ලබාදීමේ කටයුත්ත ආණ්ඩුව කළ යුතු නෑ කියලා. ඒකට පෞද්ගලික අංශය අපි සම්බන්ධ කර ගත යුතුයි. ඔබට ආරධනා කරනවා ඉදිරියේ දී පොහොර වැඩසටහන්වලට ජනාධිපතිතුමාගේ රජයේ අදහස රාජ්‍ය අංශය මැදිහත්වෙලා අනවශ්‍ය වියදමක් දරන්න ඕනේ නෑ. ගිය වතාවේ පොහොර ප්‍රවාහනයට පමණක් බිලියන 6.7ක් වියදම් කරලා තියෙනවා ප්‍රවාහනයට හා අනෙකුත් වියදම්වලට. ඉතින් මේක පෞද්ගලික අංශයට දීලා ගොවියාට සල්ලි ටිකක් දුන්නා නම් අපි දන්නවා ගොවීන්ට තව කාලයක් යනකල් සහනයක් ඕනේ. ඒ අය නරක තැනකට වැටිලා තියෙන්නේ. සමහරු දැන් තමා රත්‍රං බඩු ටික බේරගන්නේ. මේ කන්නයේ යම් ප්‍රමාණයක ප්‍රගතියක් තියෙනවා. ඒ අය යතාතත්ත්වයට පත්වෙන කල් ඒ අයට මුල්‍යමය වශයෙන් දායකත්වයක් ලබාදෙන්න ඕනේ.

අපි මේ අවුරුද්දෙත් ඒ දෙන පොහොරවලට අමතරව මුල්‍යමය දායකත්වයක් දෙනවා. මුල්‍යමය දායකත්වයක් ඒ අයට දුන්නාම වවුචර් එකක් වෙන්න පුළුවන්. ඉදිරියේ දී අපි QR කෝඩ් එකක් තමා හඳුන්වා දෙන්නේ. එතකොට ඒ අයට පොහොර කඩෙන් පොහාර ගන්න, බීජ තියෙන තැනට ගිහින් බීජ ගන්න ඒ දේවල්වලට යොමුකරන්න පුළුවන්. “

The post ගොවීන්ටත් QR කේතයක් appeared first on Govdoc Blog.

කෘෂිකර්ම අමාත්‍ය මහින්ද අමරවීර මහතා සමග පොහොර ආනයන සමාගම් පැවැත්වූ සාකච්ඡාවකදී මෙම එකඟතාවයට එළඹ ඇත.

රුපියල ශක්තිමත්වීම මෙන්ම දැනට රජය  රුපියල් 10,000ක මුදලකට යුරියා ගොවි ජනතාවට සපයන බැවින් පෞද්ගලික  සමාගම් විසින් අලෙවි කරන පොහොර මිල ද අවම කරන ලෙස අමාත්‍යවරයා එම නියෝජිතයින්ගෙන් ඉල්ලීමක් කළේය.
ඒ අනුව දැනට රුපියල් 18,500කට පමණ අලෙවි කරන යුරියා පොහොර මිටියක් 11,500ක මිලකට අලෙවි කිරීමට එම නියෝජිතයෝ එකඟත්වය පළ කළහ.

මේ අතර කෘෂිකර්ම අමාත්‍යාංශය විසින් ගොවිජන සංවර්ධන දෙපාර්තමේන්තුව මගින් දැනට ගොවින් වෙත ලබා දෙන යුරියා පොහොර මිටියක මිල තවදුරටත් අඩු කිරීම සඳහා අවධානය  යොමු කර ඇතැයි කෘෂිකර්ම අමාත්‍යවරයා සඳහන් කළේය.

The post යූරියා මිල අඩු කෙරේ appeared first on Govdoc Blog.