2025 (2026) අ.පො.ස. උසස් පෙළ (උසස් පෙළ) විභාගයට පෙනී සිටි සිසුන් සඳහා වෘත්තීය පුහුණු පාඨමාලාව හැදෑරීම සඳහා සේවා නියුක්තයන්ගේ භාර අරමුදල් මණ්ඩලය මගින් පිරිනමනු ලබන නිපුණතා සවිය ශිෂ්‍යත්වය සඳහා අයදුම්පත් නිකුත් කර ඇත.

ඒ අනුව සේවා නියුක්තයන්ගේ භාර අරමුදල් මණ්ඩලයේ සක්‍රිය සාමාජිකයින්ගේ 2025 අ.පො.ස. උසස් පෙළ ප්‍රතිපල අපේක්ෂිත දරුවන් වෙනුවෙන් මෙය ක්‍රියාත්මක වේ. මේ සදහා 2026.03.03 වන දින සිට අයදුම්පත් බාරගනු ලබන අතර සීමිත අවස්ථා ගණනක් ඇති බැවින් අයදුම් කිරීමේ දිනය අනුව ප්‍රමුඛතාවය ලබා දේ.

මෙමගින් ජාතික වෘත්තිය නිපුණතා 3, 4 සහ 5 මට්ටමේ පිළිගැනීම සහිත තෘතියික හා වෘත්තිය අධ්‍යාපන කොමිෂන් සභාවේ ලියාපදිංචි වෘත්තිය පුහුණු ආයතන මගින් මෙහෙයවන අනුමත පාඨමාලා 100 ක් අතුරෙන් එක් පාඨමාලාවක් හැදෑරීම සදහා රු. 50,000 ක මූල්‍ය ප්‍රදානයක් හිමිවේ.

• පාඨමාලා 100 ක් සඳහා රු. 50,000.00 ක මූල්‍ය ආධාර
• අයදුම්පත් බාරගනු ලබන දිනය : 2026-03-03 සිට

The post 2026 සේවා නියුක්තයන්ගේ භාර අරමුදල් මණ්ඩල නිපුනතා සවිය ශිෂ්‍යත්ව සඳහා අයදුම්පත් නිකුත් කර ඇත appeared first on Govdoc Blog.

පසුගිය වසර අවසානයේදී දිවයිනට බලපෑ දිට්වා සුළි කුණාටුවේ බලපෑම හමුවේ ආපදාවට ලක් වූ විශ්ව විද්‍යාල සිසුන්ට ආර්ථික සහන සැලසීම සඳහා ලලිත් ඇතුළත්මුදලි මහපොළ උසස් අධ්‍යාපන ශිෂ්‍යත්ව භාරකාර අරමුදලේ (MTF) භාරකාර මණ්ඩලය විසින් එක්වරක් පමණක් පිරිනැමෙන විශේෂ ශිෂ්‍යත්ව වැඩසටහනක් ක්‍රියාත්මක කිරීමට තීරණය කර තිබේ.

වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍යාංශය නිවේදයක් නිකුත් කරමින් මේ බව සදහන් කර ඇත. එම විශේෂ ශිෂ්‍යත්ව වැඩසටහන සඳහා අයදුම්පත් කැඳවීම මේ වනවිට ආරම්භ කර ඇති අතර එම අයදුම්පත් මහපොළ වෙබ් අඩවිය හරහා ලබාගත හැකිය.

Notice	Sinhala | English
Application	Sinhala| English| Tamil
Website	Click Here

The post දිට්වා බලපෑමට හසුවූ සරසවි සිසුන්ට මහපොළ විශේෂ ශිෂ්‍යත්වයක් ලබා දීමට තීරණය කෙරේ appeared first on Govdoc Blog.

පාර්ලිමේන්තු මන්ත්‍රීවරුන්ගේ විශ්‍රාම වැටුප් අහෝසි කිරීමට අදාළ පනත ගැසට් මඟින් ප්‍රකාශයට පත් කර තිබේ.

මෙම පනත පසුගියදා පාර්ලිමේන්තුවේ විවාදයට ගැනීමෙන් අනතුරුව, වැඩි ඡන්දයෙන් සම්මත වී ඇත. මෙම පනතේ 3 වගන්තිය ප්‍රකාරව, මෙම පනත ක්‍රියාත්මක වීම ආරම්භ වන දිනට පෙරාතුව විශ්‍රාම වැටුපක් ලැබීමට හිමිකම් ඇති සහ විශ්‍රාම වැටුප් ලබන යම් තැනැත්තකුට මෙම පනත ක්‍රියාත්මක වීම ආරම්භ වන දින සහ එම දිනයට පසුව එම විශ්‍රාම වැටුප් ලැබීම නතර වීම සිදු වන බව මෙහි වැඩිදුරටත් සදහන් වේ.

The post මන්ත්‍රී විශ්‍රාම වැටුප් අහෝසි කිරීමට අදාළ පනත ගැසට් මඟින් ප්‍රකාශයට පත් කෙරේ appeared first on Govdoc Blog.

දිට්වා සුළි කුණාටුවෙන් පීඩාවට පත්වූ පාසල් දරුවන් වෙනුවෙන් ජනාධිපති අරමුදලෙන් ලබාදෙන දෙන රුපියල් 10,000 දීමනාව ලබාදීම මේ වන විට අරම්භ කර ඇති බව ජනාධිපති මාධ්‍ය අංශය පවසා ඇත.

ඊට අදාළ මූල්‍ය ප්‍රතිපාදන සියළුම දිස්ත්‍රික් ලේකම් කාර්යාල වෙත යොමු කර ඇති අතර, රජයෙන් ලබා දුන් රුපියල් 15,000 ක දීමනාව හිමිවූ සියලු පාසල් සිසුන්ට මෙම දීමනාව ද හිමිවන බවයි සඳහන් වේ. ජනාධිපති අනුර කුමාර දිසානායක මහතා පසුගිය අයවැය ඉදිරිපත් කළ අවස්ථාවේ සඳහන් කළ පරිදි, ආපදාවට ලක්වූ සෑම පාසල් සිසුවෙකුටම රුපියල් 25,000 ක මූල්‍ය ආධාර හිමි වනු ඇති බව වැඩිදුරටත් සඳහන් වේ.

The post ආපදාවට ලක්වූ පාසල් දරුවන් සඳහා ජනාධිපති අරමුදලෙන් රුපියල් 10000 දීමනාව ලබාදීම ඇරඹෙයි appeared first on Govdoc Blog.

සේවා නියුක්තයන්ගේ භාර අරමුදල් මණ්ඩලය (ETFB) විසින් පිරිනමනු ලබන විශ්ව යාත්‍රා ශිෂ්‍යත්ව (මූල්‍ය ප්‍රදාන) සඳහා අයදුම්පත් කැඳවීම සිදුවේ.

මෙමගින් 2024 උසස් පෙළ සමත් සහ රජයේ විශ්වවිද්‍යාලවල ලියාපදිංචි වී සිටින ක්‍රියාකාරී සාමාජිකයින්ගේ දරුවන්ට 2024/2025 අධ්‍යයන වර්ෂය සඳහා රු. 25,000/= ක මූල්‍යාධාරයක් හිමිවේ.

The post සේවා නියුක්තයන්ගේ භාර අරමුදල් මණ්ඩලය විසින් පිරිනමනු ලබන 2025 (2026) විශ්ව යාත්‍රා ශිෂ්‍යත්ව සඳහා අයදුම්පත් කැඳවීම appeared first on Govdoc Blog.

The post අයහපත් කාලගුණික තත්ත්වයෙන් පීඩාවට පත් ජනතාවට GovPay හරහා සහන සැලසීමට යෝජනා කෙරේ. appeared first on Govdoc Blog.

• සුබසාධක ප්‍රතිලාභ මණ්ඩලය (WBB) විසින් අස්වැසුම සුබසාධන ප්‍රතිලාභ වැඩසටහන (2024 වසර) සඳහා අයදුම්පත් කැඳවීම.
• අස්වැසුම අයදුම්පත
• අවසන් දින : 2024-03-15

The post අස්වැසුම සුබසාධන වැඩසටහන් අයදුම් පත්‍රය – 2024 appeared first on Govdoc Blog.

2021 (2022) වර්ෂයේදී පවත්වන ලද සාමාන්‍ය පෙළ විභාගයට පළමු වරට පෙනී සිට විභාගය සමත්ව 2024 වර්ෂයේදී උසස් පෙළ විභාගයට පෙනී සිටීමට නියමිත ආර්ථික දුෂ්කරතා ඇති සිසුන්ට ජනාධිපති අරමුදල මගින් පිරිනමන ශිෂ්‍යත්ව දීමනාව 2024 පෙබරවාරි මස සිට රුපියල් දහසකින් වැඩි කිරීමට ජනාධිපති රනිල් වික්‍රමසිංහ උපදෙස් දී තිබේ.

ශිෂ්‍ය ශිෂ්‍යාවන් විසින් කරන ලද ඉල්ලීම පිළිබඳ අවධානය යොමු කරමින් ජනාධිපතිවරයා විසින් මෙම උපදෙස් ලබා දෙනු ලැබ ඇත.

ශ්‍රී ලංකාවේ සෑම ප්‍රදේශයක ම වෙසෙන ඉගෙනීමට දක්ෂ, නමුත් ආර්ථික දුෂ්කරතා ඇති දරු දැරියන් හඳුනාගෙන ඔවුන්ගේ ඉදිරි අනාගතය යහපත් කිරීමේ අරමුණින් ජනාධිපති රනිල් වික්‍රමසිංහගේ උපදෙස් අනුව ජනාධිපති ලේකම් සමන් ඒකනායකගේ මග පෙන්වීමෙන් ජනාධිපති අරමුදල ශිෂ්‍යත්ව ලබා ‍දීමේ වැඩසටහන ක්‍රියාත්මක කරනු ලබයි.

2021/2022 වසරට අදාළව ශිෂ්‍යත්ව ප්‍රදානය කිරීමේ වැඩසටහන යටතේ ජනාධිපති අරමුදල විසින් ශිෂ්‍යත්වලාභීන්ට මේ වන විට මාසිකව රුපියල් 5,000ක දීමනාවක් ගෙවනු ලබන අතර මෙතෙක් මාසික වාරික 10ක් ගෙවා ඇත.

ඒ අනුව, ශිෂ්‍යත්ව මුදල ඉහළ නැංවීමත් සමග 2024 පෙබරවාරි මාසයේ සිට අ.පො.ස උසස් පෙළ විභාගයට පෙනී සිටින තෙක් අදාළ ශිෂ්‍යත්වලාභීන් වෙත රුපියල් 6,000ක මාසික දීමනාවක් සැම මසක ම පළමු සතිය තුළ ජනාධිපති අරමුදල වෙතින් පිරිනැමෙනු ඇත.

එසේ ම 2022/2023 වර්ෂය‍ට අදාළව අ.පො.ස. සා/පෙළ ඉහළින් සමත් ශිෂ්‍ය ශිෂ්‍යාවන් 5000ක් ‍තෝරාගෙන එම සිසුවා/සිසුවිය අ.පො.ස. උ/පෙළ විභාගය‍ට පෙනී සිටින තෙක් මාසිකව රු. 6000ක මුදලක් ප්‍රදානය කිරීමට ද ජනාධිපති අරමුදල මේ වන විට කටයුතු කරමින් පවතී.

ඒ අනුව, ශ්‍රී ලංකාවේ සියලු පළාත් ආවරණය වන පරිදි කලාප මට්ටමින් මේ වන විට තෝරාගැනීම් සිදු කරනු ලබන අතර ‍තෝරා ගැනීම් අවසන් වූ වහාම අදාළ ශිෂ්‍යත්ව ප්‍රදානය කිරීමට අපේක්ෂා කෙරේ.

මීට අදාළව ඉදිරියේදී යාවත්කාලීන කරනු ලබන තොරතුරු කඩිනමින් දැන ගැනීම සඳහා ජනාධිපති අරමුදලේ නිල ෆේස් බුක් පිටුව www.facebook.com/president.fund හා නිල යූටියුබ් නාලිකාව www.youtube.com/@PresidentsFund like/follow හා subscribe කර තබාගන්නා මෙන් ද www.presidentsfund.gov.lk නිල වෙබ් අඩවියට පිවිසීමෙන් අදාළ තොරතුරු ලබාගත හැකි බව ද ජනාධිපති අරමුදල වැඩිදුරටත් දැනුම් දෙයි.

The post ජනාධිපති අරමුදලෙන් පිරිනැමෙන ශිෂ්‍යත්ව මුදල ඉහළට appeared first on Govdoc Blog.

• අස්වැසුම සුබසාධක ප්‍රතිලාභ ලබා ගැනීම සඳහා බැංකු ගිණුම් විවෘත නොකළ සියලු ප්‍රතිලාභීන් හැකි ඉක්මණින් තම බැංකු ගිණුම විවෘත කර ප්‍රමාදයකින් තොරව ප්‍රතිලාභ හිමි කර ගැනීමට කටයුතු කරන ලෙස සුබසාධක ප්‍රතිලාභ මණ්ඩලයේ සභාපති ජයන්ත විජේරත්න දැනුම්දෙනවා.
• නියමිත පරිදි බැංකු ගිණුම් විවෘත නොකිරීම හේතුවෙන් අස්වැසුම ප්‍රතිලාභීන් 156,261කට අදාළ ගෙවීම් සිදු කිරීමට නොහැකි තත්ත්වයක් උද්ගතව ඇති බවයි ඔහු පෙන්වා දෙන්නේ.
• රාජ්‍ය අමාත්‍ය ෂෙහාන් සේමසිංහ මහතාගේ ප්‍රධානත්වයෙන් අස්වැසුම වැඩසටහන පිළිබඳව සුබසාධක ප්‍රතිලාභ මණ්ඩලය ඇතුළු අදාළ පාර්ශව සමඟ පසුගිය දා ජනාධිපති කාර්යාලයේදී පැවති සාකච්ඡාවේදී ඔහු මේ බව සඳහන් කර තිබෙනවා.
• මේ සම්බන්ධයෙන් නිකුත් කළ නිවේදනය පහතින්. 

The post බැංකු ගිණුම් විවෘත කරගන්නා ලෙස අස්වැසුම ප්‍රතිලාභීන්ට දැනුම් දීමක් appeared first on Govdoc Blog.