ඉන්දියානු මැණික් හා ආභරණ ආයතනය (IIGJ) Archives - Govdoc Blog

ශ්‍රී ලාංකික හස්ත කර්මාන්ත ආභරණ නිර්මාණකරුවන් සඳහා ධාරිතා සංවර්ධන පුහුණු වැඩසටහන 2026

Raveesha Weerapperuma — Wed, 03 Jun 2026 10:17:34 +0000

ශ්‍රී ලාංකික හස්ත කර්මාන්ත ආභරණ නිර්මාණකරුවන් සඳහා ධාරිතා සංවර්ධන පුහුණු වැඩසටහන 2026

කර්මාන්ත හා ව්‍යවසායකත්ව සංවර්ධන අමාත්‍යාංශයේ සහයෝගයෙන් ශ්‍රී ලංකාවේ ඉන්දියානු මහ කොමසාරිස් කාර්යාලය විසින් සංවිධානය කරනු ලබන ශ්‍රී ලාංකික හස්ත කර්මාන්ත ආභරණ නිර්මාණකරුවන් සඳහා ධාරිතා සංවර්ධන පුහුණු වැඩසටහනක් සඳහා අයදුම්පත් දැන් විවෘතයි.මෙම පුහුණු වැඩසටහන 2026 ජූලි 6 සිට ජූලි 23 දක්වා ඉන්දියාවේ ජායිපූර් හි ඉන්දියානු මැණික් හා ස්වර්ණාභරණ ආයතනය (IIGJ) විසින් පවත්වනු ලබන අතර අතින් සාදන ලද ස්වර්ණාභරණ නිර්මාණය පිළිබඳ මූලික දැනුමක් ඇති අභිලාෂකාමී ස්වර්ණාභරණ නිර්මාණකරුවන් ඉලක්ක කර ගෙන ඇත.

වැඩසටහන් විස්තර

වැඩසටහන: ශ්‍රී ලාංකික හස්ත ආභරණ නිර්මාණ ශිල්පීන් සඳහා ධාරිතා සංවර්ධන වැඩසටහන.
පාඨමාලා නාමය: පරිගණක ආධාරිත නිර්මාණකරණය (Computer Aided Designing – CAD).
පුහුණු ආයතනය: ඉන්දියානු මැණික් හා ආභරණ ආයතනය (Indian Institute of Gems & Jewellery – IIGJ), ජයිපූර්.
කාලසීමාව: දින 18 (දිනකට පැය 6)
පුහුණු ක්‍රමය: පරිශ්‍රය තුළ පැවැත්වෙන (On-Campus) පුහුණුව (IIGJ, ජයිපූර්, ඉන්දියාව).
පුහුණු කාලය: 2026 ජූලි 06 සිට 2026 ජූලි 23 දක්වා.

ඔබ ඉගෙන ගන්නා කරුණු

සහභාගිවන්නන්ට පහත සඳහන් ක්ෂේත්‍රයන් පිළිබඳ ප්‍රායෝගික පුහුණුව ලබා දෙනු ලැබේ:

Rhinoceros 3D CAD මෘදුකාංගය භාවිතය.
ත්‍රිමාණ (3D) ආභරණ නිර්මාණ හා ආකෘතිකරණ (Modelling) තාක්ෂණික ක්‍රම.
ද්විමාණ (2D) රූපසටහන් ත්‍රිමාණ (3D) ආභරණ නිර්මාණ බවට පරිවර්තනය කිරීම.
නිර්මාණ ඇගයීම සහ ද්‍රව්‍ය ප්‍රශස්තකරණය (Material Optimization).
ත්‍රිමාණ මුද්‍රණයට (3D Printing) සූදානම් ආභරණ ආකෘති නිර්මාණය කිරීම.
ප්‍රායෝගික CAD මෙවලම් සහ සංස්කරණ (Editing) තාක්ෂණික ක්‍රම භාවිතය.

මැණික් හා ස්වර්ණාභරණ කර්මාන්තයට අවශ්‍ය න්‍යායාත්මක දැනුම සහ ප්‍රායෝගික නිපුණතා ශක්තිමත් කිරීම සඳහා මෙම වැඩසටහන සැලසුම් කර ඇත.

සුදුසුකම් නිර්ණායක

වයස අවුරුදු 30 ට අඩු විය යුතුය.
අතින් නිමවන ආභරණ නිර්මාණකරණය පිළිබඳ මූලික දැනුමක් තිබිය යුතුය.
ඉංග්‍රීසි භාෂාව පිළිබඳ ප්‍රමාණවත් දැනුමක් තිබිය යුතුය.
මානසික හා ශාරීරික වශයෙන් යහපත් සෞඛ්‍ය තත්ත්වයකින් යුක්ත විය යුතුය.
අවම වශයෙන් මාස 6 ක වලංගු කාලයක් ඉතිරිව ඇති වලංගු ගමන් බලපත්‍රයක් (Passport) තිබිය යුතුය.

පහත සඳහන් අයදුම්කරුවන් මෙම වැඩසටහන සඳහා සුදුසුකම් නොලබයි

ආභරණ නිර්මාණකරණය (Jewellery Designing) සම්බන්ධ උසස් සහතිකපත්‍රයක් (Advanced Certificate), ඩිප්ලෝමාවක් (Diploma) හෝ උපාධියක් (Degree) හිමි අය.
ආභරණ නිර්මාණ ශිල්පියෙකු (Jewellery Designer) ලෙස වසර දෙකකට වැඩි සේවා පළපුරුද්දක් ඇති අය.
ඉංග්‍රීසි භාෂාව පිළිබඳ ප්‍රමාණවත් දැනුමක් නොමැති අය.

තේරීම් ක්‍රියාවලිය

පවතින ආසන සංඛ්‍යාව සීමිත බැවින්, සහභාගිවන්නන් නිල සම්මුඛ පරීක්ෂණ (Interview) ක්‍රියාවලියක් මගින් තෝරාගනු ලැබේ.

අයදුම්පත් භාරගැනීමේ අවසන් දිනය

අවසන් දිනය: 2026 ජූනි 09 වන දින.

උනන්දුවක් දක්වන අයදුම්කරුවන්, National Gem and Jewellery Authority (NGJA) මගින් ලබාගත හැකි නියමිත අයදුම්පත්‍රය භාවිතා කර අයදුම්පත් ඉදිරිපත් කළ යුතුය.

සම්බන්ධ කරගැනීම සඳහා

අපනයන ප්‍රවර්ධන අංශය
National Gem and Jewellery Authority (NGJA)

No. 260, Lake Drive, Colombo 05
Direct: 011 2390653
General: 011 2390645–8 (Ext. 333–335)
Fax: 011 2320758
promotion@ngja.gov.lk
ngjaexportpromotion@gmail.com
www.ngja.gov.lk

Download

The post ශ්‍රී ලාංකික හස්ත කර්මාන්ත ආභරණ නිර්මාණකරුවන් සඳහා ධාරිතා සංවර්ධන පුහුණු වැඩසටහන 2026 appeared first on Govdoc Blog.