රාජ්‍ය සේවයට 26,095 ක් අලුතින් බඳවා ගැනීමට අමාත්‍ය මණ්ඩල අනුමැතිය හිමිව ඇත.

ඒ අනුව, ගුරුවරු 23,344 දෙනෙකු ඇතුළත් ව මෙම බඳවා ගැනීම් සිදු කිරීමට නියමිත බව අදාළ කැබිනට් තීරණයේ සදහන් වේ.

රාජ්‍ය සේවයේ බඳවාගැනීම් ක්‍රියාවලිය සමාලෝචනය කරමින් අවශ්‍යතා, ප්‍රමුඛතා හා කාලරාමු හඳුනාගෙන ඒ ආශ්‍රිතව අත්‍යවශ්‍යයෙන්ම සිදු කළ යුතු බඳවාගැනීම් ප්‍රමාණයන් සම්බන්ධයෙන් අවශ්‍ය පියවර ගැනීම සඳහා අග්‍රාමාත්‍ය ලේකම්ගේ ප්‍රධානත්වයෙන් නිලධාරි කමිටුවක් පත්කිරීම සඳහා 2024/12/30 වන දින පැවති අමාත්‍ය මණ්ඩල රැස්වීමේදී අනුමැතිය ලබා දී තිබුණි.

එම කමිටුව වෙත ඒ ඒ අමාත්‍යාංශ විසින් එම අමාත්‍යාංශ යටතේ පවතින දෙපාර්තමේන්තු සහ අනෙකුත් ආයතනවල පවතින තනතුරු පුරප්පාඩු සම්පූර්ණ කිරීම සඳහා ඉදිරිපත් කරන ලද ඉල්ලීම් සැලකිල්ලට ගෙන, කමිටුව විසින් නිර්‌දේශ කරන ලද පහත සඳහන් බඳවාගැනීම් සිදු කිරීම සඳහා අදාළ අමාත්‍යාංශ සහ ආයතන වෙත අනුමැතිය ලබා දීමට අගමැතිනිය ඉදිරිපත් කළ යෝජනාවට මෙලෙස අනුමැතිය හිමිව තිබේ.

The post රාජ්‍ය සේවයට 26095 ක් බඳවා ගැනීම සඳහා කැබිනට් අනුමැතිය appeared first on Govdoc Blog.

මිනිස් භාවිතය සඳහා ජලභීතිකා එන්නත අක්‍රිය මාත්‍රා 3,000,000ක් (මිලි ලීටර් 0.5/මිලි ලීටර් 1) මිලදී ගැනීමට කැබිනට් මණ්ඩලය අනුමැතිය ලබා දී ඇති අතර, එහි වටිනාකම රුපියල් මිලියන 360ක් (වැට් බද්ද හැර) වේ.

ජාත්‍යන්තර තරඟකාරී ලංසු තැබීම් හරහා ප්‍රසම්පාදන ක්‍රියාවලිය සිදු කරන ලද අතර, ලංසු හතරක් ලැබුණි. ඉහළ මට්ටමේ ප්‍රමිති ප්‍රසම්පාදන කමිටුවේ සහ ප්‍රසම්පාදන අභියාචනා මණ්ඩලයේ නිර්දේශ අනුගමනය කරමින්, කොන්ත්‍රාත්තුව සිටිහෙල්ත් ඉම්පෝර්ට්ස් (පුද්ගලික) සමාගමට ප්‍රදානය කරන ලද අතර, සේරම් ඉන්ස්ටිටියුට් ඔෆ් ඉන්ඩියා (පුද්ගලික) සමාගම විසින් නිෂ්පාදනය කරන ලද එන්නත් ලබා දෙන ලදී.

මෙම එන්නත් ශ්‍රී ලංකාවේ ජලභීතිකා රෝගය වැළැක්වීම සඳහා ප්‍රයෝජනවත් වන අතර, එම රෝගයට එරෙහිව මහජන සෞඛ්‍ය පියවර ශක්තිමත් කරයි.

The post ජලභීතිකා එන්නත් මිලදී ගැනීම සඳහා රුපියල් මිලියන 360 ක කැබිනට් අනුමැතිය appeared first on Govdoc Blog.

2025 අයවැය යෝජනා පරිදි කෘෂිකර්ම හා කර්මාන්ත අංශයේ නියුතු ව්‍යවසායකයින් සංවර්ධනය කිරීම සඳහා සහනදායී ණය යෝජනා ක්‍රමයක් ක්‍රියාත්මක කිරීමට කැබිනට් අනුමැතිය හිමිවී තිබෙනවා.

ආයෝජන දිරිමත් කිරීම සඳහා සහනදායී මූල්‍ය පහසුකම් නොමැති වීම කෘෂිකාර්මික අංශයේ ව්‍යවසායකයින් ඇති කිරීමට බාධාවක් ලෙස හඳුනාගෙන තිබෙනවා.එම තත්ත්වය කෘෂිකර්මාන්තය සඳහා තරුණ ව්‍යවසායකයින්ගේ ආකර්ෂණය අඩු වීමට මෙන් ම, වගා නොකළ ඉඩම් ප්‍රමාණය ඉහළ යාමට හා ආහාර නිෂ්පාදනය පහළ යාමට හේතු වන බව ද නිරීක්ෂණය කළා.

එබැවින්,

2025 අයවැය යෝජනාවක් පරිදි කෘෂිකර්ම හා කර්මාන්ත අංශයේ නියුතු ව්‍යවසායකයින් සංවර්ධනය කිරීම සඳහා සහනදායී ණය යෝජනා ක්‍රමයක් ක්‍රියාත්මක කිරීම පිණිස රුපියල් මිලියන 500ක ප්‍රතිපාදන වෙන් කර තිබෙනවා.

මෙම ව්‍යාපෘතිය වසර 05ක කාලයක් සඳහා ක්‍රියාත්මක වන අතර, ප්‍රතිලාභියෙකුට උපරිම ණය පහසුකම වශයෙන් රුපියල් මිලියන 05ක් ලබා දීමට යෝජනා වුණා.

අදාළ සහනදායී ණය යෝජනා ක්‍රමය යටතේ ප්‍රතිලාභීන්ගෙන් අය කළ යුතු පොළිය, හිඟ ණය මුදලින් වාර්ෂිකව 4%ක් බවයි සඳහන් වෙන්නේ

ඒ අනුව, වසර 05ක් ඇතුළත කෘෂිකාර්මික ව්‍යවසායකයින් 50,000ක් නිර්මාණය කිරීමේ රජයේ අරමුණ ද සාක්ෂාත් කර ගත හැකි වන පරිදි අදාළ සහනදායී ණය යෝජනා ක්‍රමය ලංකා බැංකුව, මහජන බැංකුව හා ප්‍රාදේශීය සංවර්ධන බැංකුව සමඟ එක් ව ක්‍රියාත්මක කිරීම පිණිස කෘෂිකර්ම, පශු සම්පත්, ඉඩම් සහ වාරිමාර්ග අමාත්‍යතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කළා.

අදාළ කැබිනට් තීරණය පහතින්.

The post තරුණ ව්‍යවසායකයින් දිරිමත් කිරීම සඳහා සහනදායි ණය යෝජනා ක්‍රමයක්. appeared first on Govdoc Blog.

62,000කට ආසන්න සංඛ්‍යාවක් රාජ්‍ය සේවයට බඳවා ගැනීමට කැබිනට් අනුමැතිය දුන් බව ජනපති අනුර කුමාර දිසානායක පවසයි.

ඔහු මේ බව පැවසුවේ, 25 වන ජාතික තරුණ සමුළුව අමතමින් ය.

“අපි බල්ක් පිටින් බඳවා ගන්නේ නෑ. ලක්ෂය, එක හමාරය බඳවා ගන්නේ නෑ. හැබැයි රාජ්‍ය සේවය පවත්වාගෙන යෑමට අවශ්‍ය රාජ්‍ය දේහය පුරා පැතිරුණු 62,000ක් හඳුනාගෙන තියෙනවා. අපි උපදෙස් දුන්නා මේ 62,000 හැකි ඉක්මණින් රාජ්‍ය සේවයට බඳවා ගන්න කියලා. හැබැයි රැකියා ප්‍රශ්නය එතැනින් විසඳෙනවා ද ? එතැනින් විසඳෙන්නේ නෑ. හැබැයි මේ ආණ්ඩුව, ආණ්ඩු ක්‍රියාවලිය හරහා රැකියා උත්පාදනය වන එළියේ ආර්ථිකයක් හදන්න ඕනේ. අපි ඒකට සැලසුම් හදලා තියෙනවා.”

The post රාජ්‍ය සේවයට 62,000ක් බඳවා ගන්න කැබිනට් අනුමැතිය appeared first on Govdoc Blog.