අවංලගු කළ උසස් පෙළ කෘෂි විද්‍යාව ප්‍රශ්න පත්‍රය වෙනුවට පැවැත්වෙන නව විභාගය සඳහා පෙනී සිටීමට අදාළ ප්‍රවේශ පත්‍රය www.doenets.lk වෙබ් අඩවියට පිවිසීමෙන් ලබාගත හැකි බව විභාග දෙපාර්තමේන්තුව පවසයි.

විභාග අපේක්ෂකයින් සඳහා මේ වන විටත් ප්‍රවේශ පත්‍රය නිකුත් කර ඇති අතර එය ලැබී නොමැති නම් පමණක් වෙබ් අඩවියට පිවිසීමෙන් ප්‍රවේශ පත්‍රය ලබා ගත හැකි බව එම දෙපාර්තමේන්තුව සඳහන් කළේ ය.

එම දෙපාර්තමේන්තුව සඳහන් කළේ, එසේ වුව ද විභාග අපේක්ෂකයින් අවලංගු වූ විභාගය සඳහා පෙනී සිටින මධ්‍යස්ථානයේ ම නව ප්‍රශ්න පත්‍රය සඳහා පෙනී සිටින්නේ නම් එලෙස ප්‍රවේශ පත්‍රය අවශ්‍ය නොවන බව ය.

මෙවර උසස් පෙළ කෘෂි විද්‍යාව ප්‍රශ්න පත්‍රය විභාගයට පෙර නිකුත් වී ඇති බවට තොරතුරු අනාවරණය වීමත් සමග එම ප්‍රශ්න පත්‍රය අවලංගු කිරීමට විභාග දෙපාර්තමේන්තුව පියවර ගත්තේ ය.

පසුව එම විෂය පමණක් විශේෂ විභාගයක් ලෙස පෙබරවාරි මස පළමුවන දා පැවැත්වීමට එම දෙපාර්තමේන්තුව පියවර ගත්තේ ය.

ඒ අනුව, කෘෂි විද්‍යා ප්‍රශ්න පත්‍රයේ දෙවන කොටස එදින (පෙබරවාරි 01) පෙරවරු 08:30 සිට 11:40 දක්වාත් පළමු කොටස එදින පස්වරු 1:00 සිට 3:00 දක්වාත් පැවැත්වෙනු ඇත.

The post උසස් පෙළ කෘෂි විද්‍යා ප්‍රශ්න පත්‍ර ගැන දැනුම් දීමක් appeared first on Govdoc Blog.

කෘෂිකර්ම විද්‍යාව (විශේෂ විභාග) කාලසටහන – G.C.E. උසස් පෙළ විභාගය 2023 (2024) විභාග දෙපාර්තමේන්තුව විසින් පවත්වන ලදී

විභාග දිනය සහ වේලාව: පෙබරවාරි 01 බ්‍රහස්පතින්දා

• 08.30 – 11.40: කෘෂි විද්‍යාව II
• 13.00 – 15.00: කෘෂි විද්‍යාව I

Source : www.doenets.lk

The post උසස් පෙළ විභාගය 2023 (2024) කෘෂි විද්‍යාව (විශේෂ විභාග) කාලසටහන appeared first on Govdoc Blog.

අ.පො.ස උසස් පෙළ 2023 ජනවාරි 10 කෘෂි විද්‍යාව II ප්‍රශ්න පත්‍රය විභාගයට පෙර කාන්දු වී ඇති බවට වාර්තා වීම හේතුවෙන් අවලංගු කර ඇත.

කෘෂි විද්‍යාව 02 වන ප්‍රශ්න පත්‍රය විභාගයට පෙර සමාජ මාධ්‍යයේ සංසරණයවීම හේතුවෙන් මෙම තීරණය ගෙන ඇති බවයි එම දෙපාර්තමේන්තුව සඳහන් කරන්නේ.

සියලුම මාධ්‍යයට අවලංගු කළ කෘෂි විද්‍යාව දෙවන ප්‍රශ්න පත්‍රයට නැවත උත්තර ලිවීමට උසස් පෙළ විභාගය අවසන්වූ වහාම දිනයක් වෙන්කරන බව විභාග කොමසාරිස් ජනරාල් අමිත් ජයසුන්දර මහතා ප්‍රකාශ කළේය.

The post අ.පො.ස උසස් පෙළ 2023 කෘෂිකර්ම විද්‍යාව II කොටස ප්‍රශ්න පත්‍රය අවලංගු කරන ලදී appeared first on Govdoc Blog.