• මාංසපේශී කා දමන මාරාන්තික බැක්ටීරියා වර්ගයක් ජපානයේ ව්‍යාප්ත වෙමින් පවතින බවත්, මේ වසර ඇතුළත එම බැක්ටීරියා ආසාදිතයන් දහසකට ආසන්න සංඛ්‍යාවක් ජපානයෙන් වාර්තා වී ඇතැයි විදෙස් මාධ්‍ය සඳහන් කළේය.
• එස්ටීඑස්එස් යන කෙටි නමින් හඳුන්වනු ලබන ස්ට්‍රෙප්ටොකොල් ටොක්සික් ෂොක් සින්ඩ්‍රෝම් නමැති මේ බැක්ටීරියා ආසාදනය ඉතා වේගයෙන් මරණය අත්කර දෙන වසංගතයක් බවට එරට සෞඛ්‍ය බලධාරීන් ප්‍රකාශ කර ඇති අතර, එම බැක්ටිරියා ආසාදනය වන පුද්ගලයකුගේ ඉරණම පැය 48ක් ඇතුළත විසඳෙනු ඇතැයි ජපානයේ වෛද්‍යවරුන් ද අනතුරු අඟවා තිබේ.
• පසුගිය වසරේ මුල් භාගයේදී එරට ව්‍යාප්ත වූ බව කියන එස්ටීඑස්එස් බැක්ටීරියා වසංගතය එම වසර අවසානය වන විට පුද්ගලයන් 941 දෙනකුට ආසාදනය වී තිබූ බවත්, එය දරුණු අතට හැරී ඇති බව පෙන්නුම් කරමින් මේ වසරේ පළමු මාස 6දී පමණක් නව ආසාදිතයන් 977ක් වාර්තා වී ඇති බවත් ජපානයේ ජාතික බෝවෙන රෝග පිළිබඳ ආයතනයේ වාර්තාවලින් පැහැදිලි වන බවත් විදෙස් මාධ්‍ය සඳහන් කළේය.
• බොහෝ බැක්ටීරියා වර්ග උණ, අඩු රුධිර පීඩන, හන්දිපත් වේදනාව සහ දහඩිය දැමීම වැනි රෝග ලක්ෂණ පෙන්නුම් කළද, එස්ටීඑස්එස් බැක්ටීරියා ආසාදිතයන් අතර එම රෝග ලක්ෂණවලට අමතරව අස්ථි ක්ෂය වීම, අවයව අක්‍රිය වීම සහ හුස්ම ගැනීම අසීරු ආකාරයේ මාරාන්තික රෝග ලක්ෂණ ඇතිවන බව ද වාර්තා වේ.
• ටෝකියෝ නුවර කාන්තා වෛද්‍ය විශ්වවිද්‍යාලයේ මහාචාර්යවරයකු වන කෙන් කිකුචි ප්‍රකාශ කර ඇත්තේ එම බැක්ටිරියා ආසාදිත රෝගියකුට උදෑසන කාලයේදී දෙපතුලේ දහඩිය දැමීමක් සිදුවූවද, දිවා කාලය වන විට දණහිස් වේදනාව දක්වා රෝගී තත්ත්වය වර්ධනය වන බවත්, ඊළඟ පැය 48 ඇතුළත ජීවිතක්ෂයට පවා පත්වීමේ අවදානමක් ඇති බවත්ය.
• සමේ යම්කිසි ආසාදනයක් සිදු වන්නේ නම් හෝ යම්කිසි කැපීමක් වැනි තුවාලයක් සිදු වන්නේ නම් ඒ පිළිබඳ දැඩි අවධානයෙන් සිටිය යුතු බවත්, එම බැක්ටීරියා ආසාදනයෙන් වැළකී සිටීමට ඇති හොඳම විසඳුම හොඳින් අත් සේදීම හා ඕනෑම ආකාරයේ බැක්ටීරියා ආසාදනයක් සිදුවී තිබේනම් වහාම ප්‍රතිකාර ලබා ගැනීම බවත් එරට ජාතික බෝවෙන රෝග පිළිබඳ ආයතනය ජනතාවට උපදෙස් දී ඇතැයි වාර්තා වේ.
• මස් අනුභව කරන බැක්ටීරියාවක්‘ නිසා ඇති වන මෙම රෝගයෙන් 30% ක මරණ අනුපාතයක් ඇති අතර පැය 48 ක් තුළ මාරාන්තික විය හැකිය. ටෝකියෝ කාන්තා වෛද්‍ය විශ්වවිද්‍යාලයේ බෝවන රෝග පිළිබඳ මහාචාර්ය කෙන් කිකුචි පැවසුවේ බොහෝ මරණ පැය 48ක් ඇතුළත සිදු වන බවයි. රෝගයේ මූලික රෝග ලක්ෂණ හඳුනාගෙන පැය 48ක් ඇතුළත රෝගීන් මිය යා හැකි බව ද හෙතෙම සඳහන් කළේය.
• මෑතකදී ශල්‍යකර්මයකට භාජනය වූ පුද්ගලයින් හෝ විවෘත තුවාල ඇති අයට මේ රෝගය ආසාදනය විය හැකි අතර රෝගය වැළැක්වීමේ පියවර වශයෙන් හොඳ සනීපාරක්ෂක පිළිවෙත් අනුගමනය කළ යුතුය. 2022 අගභාගයේදී යුරෝපා රටවල් පහකින් මේ රෝගය වාර්තා විය.
• එම, ආසාදනයට ගොදුරු වූ 77 දෙනෙකු මෙම වසරේ මුල් කාර්තුව තුළ මියගොස් ඇති බව ජපන් මාධ්‍ය පවසයි. මෙම වසරේ මේ දක්වා කාලය තුළ එම ආසාදනයට ගොදුරු වූවන් 977 දෙනෙකු ජපානයෙන් වාර්තා වී ඇති අතර එය පසුගිය වසර පුරා ජපානයෙන් වාර්තා වූ එම ආසාදනයට ගොදුරු වූවන්ගේ සංඛ්‍යාවට වඩා ඉහළ සංඛ්‍යාවක් බව වාර්තා වී තිබේ.
• කුඩා ළමුන් හා වැඩිහිටියන් අතර පැතිර යන මෙම ආසාදනයට ගොදුරු වන සෑම 10 දෙනෙකුගෙන්ම 3 දෙනෙකු මියා යෑමේ අවදානමක් පවතින අතර එම ආසාදනයේ මරණයට පත්වීමේ හැකියාව සියයට 30 ක් දක්වා ඉහළ අගයක් ගන්නා බව වෛද්‍යවරු පවසති. උණ හා උගුරේ ආසාදනය මෙම බැක්ටීරියා ආසාදනයේ ප්‍රධාන රෝග ලක්ෂණ වන අතර කමපන තත්ත්වය මත රෝගීන් මිය යන බව වෛද්‍ය මතයයි.

The post ජපානයෙන් මාරාන්තික බැක්ටීරියා ආසාදනයක් appeared first on Govdoc Blog.