2026 නොවැම්බර් මාසයේදී පැවැත්වීමට නියමිත 2024 සහ 2025 වර්ෂ සඳහා ඉස්ලාම් දීනියාත් (ධර්මාචාර්ය) සහතික පත්‍ර විභාගය සඳහා විභාග දෙපාර්තමේන්තුව විසින් අයදුම්පත් කැඳවා ඇත.

අයදුම් කිරීම පිලිබඳ වැදගත් කරුණු

• අයදුම්පත් භාර ගැනීම විවෘත වන දිනය : 2026 අගෝස්තු 21
• අයදුම්පත් භාර ගැනීමේ අවසන් දිනය : 2026 සැප්තැම්බර් 21

විභාග මාධ්‍යය

විභාගය සිංහල, දෙමළ සහ ඉංග්‍රීසි යන භාෂා තුනෙන්ම පවත්වනු ලැබේ. අපේක්ෂකයින්ට තෝරා ගත හැක්කේ එක් භාෂා මාධ්‍යයක් පමණක් වන අතර, තෝරාගත් මාධ්‍යය පසුව වෙනස් කළ නොහැක.

සුදුසුකම් 

අයදුම්කරුවන්ට පහත සඳහන් සුදුසුකම් වලින් අවම වශයෙන් එකක් හෝ තිබිය යුතුය :

• විභාග දෙපාර්තමේන්තුව විසින් පවත්වන ලද අහදියියා දහම් පාසල් අවසාන සහතික පත්‍ර විභාගය සමත් විය යුතුය.
• මුස්ලිම් ආගමික හා සංස්කෘතික කටයුතු දෙපාර්තමේන්තුව යටතේ ලියාපදිංචි අරාබි විද්‍යාලයකින් මවුලවි සහතිකයක් ලබා ගත යුතුය.
• ඉස්ලාම් හෝ ඉස්ලාම් ශිෂ්ටාචාරය ඇතුළු විෂයයන් තුනක් සහිතව අ.පො.ස. උසස් පෙළ විභාගය සමත් විය යුතුය.
• ඉස්ලාම් අධ්‍යයනය පිළිබඳ අ.පො.ස. සාමාන්‍ය පෙළ සම්මාන සාමාර්ථයක් සහිතව අනුමත අහදියියා දහම් පාසල් හෝ අරාබි විද්‍යාලයක අවම වශයෙන් වසරක ඉගැන්වීමේ පළපුරුද්දක් ඇති ගුරුවරයෙකු විය යුතුය.

අයදුම් කරන අයුරු

අයදුම්පත් අදාළ අහදියියා දහම් පාසල් හෝ අරාබි විද්‍යාලයේ විදුහල්පති හරහා ඉදිරිපත් කළ යුතුය. අයදුම්පත් ලියාපදිංචි ආයතන වෙත යවා ඇති අතර, අයදුම්පත විභාග දෙපාර්තමේන්තුවේ වෙබ් අඩවියෙන් ද බාගත කළ හැකිය.

The post ඉස්ලාම් දීනියාත් (ධර්මාචාර්ය) සහතික පත්‍ර විභාගය සඳහා අයදුම්පත් කැඳවීම 2026 appeared first on Govdoc Blog.