• මෙරට උසස් පෙළ පාසල් තුන්දහසක් ජූනි මාසය වන විට ඩිජිටල්කරණයට ලක් කරන බව අධ්‍යාපන අමාත්‍ය සුසිල් ප්‍රේම්ජයන්ත ඊයේ (පෙබ. 5) පැවසීය.
• ඊට අදාළව ගුරුවරුන් පුහුණු කිරීමේ වැඩසටහන් එළඹෙන මාර්තු මාසයේ සිට ආරම්භ කරන බව පැවසූ ඇමතිවරයා අදාළ පාසල් සියල්ලට ම සුහුරු පුවරු ලබාදෙන බව ද සඳහන් කළේ ය.
• යාපනය හින්දු විද්‍යාලයේ පැවති උත්සවයක් අමතමින් හෙතෙම මේ බව ප්‍රකාශ කළේ ය.
• සෑම අධ්‍යාපන කලාපයක ම පිහිටුවා ඇති පරිගණක සම්පත් මධ්‍යස්ථාන මීට සමගාමීව යාවත්කාලීන කර ඇති බව ද ඔහු කීවේ ය.
• ඉදිරි සති කිහිපය තුළ රටේ සෑම පළාතකට ම ගොස් මේ සම්බන්ධයෙන් සියලු අධ්‍යාපන බලධාරීන් දැනුවත් කිරීමට සැලසුම් කර ඇතැයි ද ප්‍රේම්ජයන්ත මහතා පැවසීය.
• නව තාක්ෂණය සමග ඍජුව සම්බන්ධ වෙමින් අධ්‍යාපන කටයුතු කරගෙන යාමට දරුවන්ට අවස්ථාව සලසා දෙන බව ද ඇමතිවරයා සඳහන් කළේ ය.

The post පාසල් තුන්දාහක් ජූනි වනවිට ඩිජිටල්කරණය කරයි appeared first on Govdoc Blog.