ශ්‍රී ලංකා විභාග දෙපාර්තමේන්තුව විසින් සංවිධානය කරනු ලබන සියලුම නිල විභාග සඳහා අයදුම් කිරීමේදී ජාතික හැඳුනුම්පත් අංකය ඇතුළත් කිරීම මින් ඉදිරියට අනිවාර්ය කර ඇති බව විභාග දෙපාර්තමේන්තුව විශේෂ නිල නිවේදනයක් නිකුත් කරමින් සදහන් කර ඇත. විභාග ක්‍රියාවලියේ විනිවිදභාවය, ආරක්ෂාව සහ විධිමත්භාවය තහවුරු කිරීම සඳහා මෙම නව තීරණය ගෙන ඇති බව විභාග කොමසාරිස් ජනරාල් කාර්යාලය පෙන්වා දෙයි.

විශේෂයෙන්ම එලබෙන 2026 වසරේ දෙසැම්බර් මාසයේදී පැවැත්වීමට නියමිතව ඇති 2026 අ.පො.ස. සාමාන්‍ය පෙළ (සා/පෙළ) විභාගය සදහා පෙනී සිටීමට අපේක්ෂා කරන සියලුම අයදුම්කරුවන්ගේ ජාතික හැඳුනුම්පත් කඩිනමින් සකස් කර ගැනීමට පියවර ගන්නා ලෙස දිවයිනේ සියලුම රජයේ සහ පෞද්ගලික පාසල්වල විදුහල්පතිවරුන් වෙත දැනටමත් චක්‍රලේඛ මගින් උපදෙස් සහ අවශ්‍ය මාර්ගෝපදේශ ලබා දී ඇති බව එම නිවේදනයේ වැඩිදුරටත් සඳහන් වේ.

ඒ අනුව, එම විභාගය සඳහා නිල වශයෙන් අයදුම්පත් කැඳවීම ආරම්භ කිරීමට පෙර තම ජාතික හැඳුනුම්පත් නිසි ලෙස සකස් කර තබා ගැනීම සියලුම පාසල්වල මෙන්ම පෞද්ගලික අයදුම්කරුවන්ගේ ද පරම වගකීමක් බව විභාග දෙපාර්තමේන්තුව අවධාරණය කර ඇත. හැඳුනුම්පත් නොමැතිවීම හේතුවෙන් විභාග අයදුම්පත් ඉදිරිපත් කිරීමේදී සිදු විය හැකි අනවශ්‍ය ප්‍රමාදයන් වළක්වා ගැනීම සඳහා වහාම ක්‍රියාත්මක වන පරිදි පුද්ගලයින් ලියාපදිංචි කිරීමේ දෙපාර්තමේන්තුව හරහා අදාළ ලේඛන සකස් කර ගන්න ලෙස සිසුන්ට සහ දෙමාපියන්ට දැනුම් දෙනු ලැබේ.

The post විභාග සඳහා ජාතික හැඳුනුම්පත අනිවාර්යය බවට ශ්‍රී ලංකා විභාග දෙපාර්තමේන්තුවෙන් නිවේදනයක් appeared first on Govdoc Blog.

පහත විභාගවලට අදාළ ප්‍රවේශ පත්‍ර අයදුම්පත්‍රවල දක්වා ඇති ලිපිනයන් වෙත යවා ඇති බව මෙයින් දැනුම් දෙනු ලැබේ.

Sinhala Advertisement

English Advertisement

Tamil Advertisement

Full Details

ප්‍රවේශපත්‍ර නොලැබුණු අපේක්ෂකයින් හෝ වැඩිදුර තොරතුරු අවශ්‍ය අය සම්පූර්ණ නම සහ ලිපිනය සඳහන් කරමින් ආයතනික විභාග සංවිධාන ශාඛාව සමඟ සන්නිවේදනය කරන මෙන් කාරුණිකව ඉල්ලා සිටිමු. ප්‍රවේශ පත්‍ර දෙපාර්තමේන්තුවේ වෙබ් අඩවියෙන් (www.doenets.lk) බාගත කළ හැක.

The post ආයතනික විභාග සඳහා ප්‍රවේශ පත්‍ර නිකුත් කිරීම – 2024 අගෝස්තු appeared first on Govdoc Blog.