දේශීය ආදායම් දෙපාර්තමේන්තුව – මුදල්, සැලසුම් සහ ආර්ථික සංවර්ධන අමාත්‍යාංශය

සරල කළ අගය එකතු කළ බද්ද (SVAT) සඳහා ලියාපදිංචි පුද්ගලයින්ට දැන්වීම – SVAT යෝජනා ක්‍රමය අහෝසි කිරීම සහ අවදානම් පාදක මුදල් ආපසු ගෙවීමේ යෝජනා ක්‍රමය (RBRS) හඳුන්වාදීම.

The post දේශීය ආදායම් දෙපාර්තමේන්තුව විසින් නිකුත් කරන ලද වැදගත් නිවේදනයයි. appeared first on Govdoc Blog.

• ඩිජිටල් සේවාවන් සැපයීමට අදාළව වැට් බදු පැනවීම ලබන වසරේ අප්‍රේල් 1 වන දා දක්වා කල් දැමීමට අමාත්‍ය මණ්ඩලය තීරණය කර ඇත.
• ඩිජිටල් සේවාවන් සඳහා එකතු කළ අගය මත බද්ද අය කිරීමේදී එයට අනුකූල වීම සඳහා සූදානම් වීමට අමතර කාලයක් ලබා දෙන ලෙස නිර්වාසික ඩිජිටල් සේවා සපයන්නන් රජයෙන් කළ ඉල්ලීමකට ප්‍රතිචාර ලෙස මෙම කැබිනට් තීරණය ගෙන තිබේ.
• 2025 අංක 4 දරන එකතු කළ අගය මත බදු (සංශෝධන) පනත මගින් 2025-10-01 දින සිට බලපැවැත්වෙන පරිදි නිර්වාසික තැනැත්තෙකු (Non-resident) විසින් ඩිජිටල් සේවා සැපයීම එකතු කළ අගය මත බද්දට යටත් කර තිබේ.
• ඒ අනුව, මෙම වසරේ ඔක්තෝබර් 1 වන දා සිට අදාළ වැට් බද්ද බලාත්මක කිරීමට මීට පෙර සැලැසුම් කර තිබුණත් එම බදු අය කිරීම ආරම්භ කරන දිනය ලබන වසරේ අප්‍රේල් 1 ලෙස සංශෝධනය කිරීමටත් ඒ සඳහා අදාළ සංශෝධිත විධිවිධාන දැනටමත් කෙටුම්පත් කෙරෙමින් පවතින එකතු කළ අගය මත බදු පනත සංශෝධනය කිරීම සඳහා වන කෙටුම්පතට ඇතුළත් කිරීමටත් මුදල්, ක්‍රම සම්පාදන සහ ආර්ථික සංවර්ධන අමාත්‍ය වශයෙන් ජනාධිපති අනුර කුමාර දිසානායක ඉදිරිපත් කළ යෝජනාව සඳහා කැබිනට් අනුමැතිය ලැබී ඇත.
• මීට පෙර දේශීය ආදායම් දෙපාර්තමේන්තුව තීරණය කර තිබුණේ ශ්‍රී ලංකාව තුළ සිදුකෙරෙන ඩිජිටල් සේවාවන් සඳහා අදාළ වන පරිදි සියයට 18ක එකතු කළ අගය මත බදු (Value Added Tax-VAT) ලබන ඔක්තෝබර් 1 සිට අය කිරීමටයි.
• සයිබර් ආරක්ෂණය, මෘදුකාංග සේවා, ඩිජිටල් ප්‍රචාරණයන්, තොරතුරු තාක්ෂණය, ඊ වාණිජකරණය, සමාජ මාධ්‍ය වේදිකා, ඔන්ලයින් වෙළෙඳපොළ ස්ථාන, ඉල්ලුම අනුව ලබාදෙන සේවා ආදී මාර්ගගත වේදිකාවලින් ලබාදෙන ඩිජිටල් සේවා රැසක් මෙම වැට් බද්දට යටත් වීමට නියමිත අතර එම බදු අය කිරීම 2026 අප්‍රේල් 1 වන දා දක්වා කල් දමා තිබේ.
• මේ අතර, ඩිජිටල් සේවා සඳහා බදු අය කරන රටවලට ඔවුන්ගේ අපනයන සඳහා ‘අමතර තීරු බදු’ පනවන බව ඇමෙරිකා එක්සක් ජනපද ජනාධිපති ඩොනල්ඩ් ට්‍රම්ප් ධවල මන්දිරයේදී පසුගිය සතියේ පැවසීය.

The post ඩිජිටල් වැට් බද්ද ලබන අප්‍රේල්වලට කල්යයි appeared first on Govdoc Blog.

දේශීය ආදායම් දෙපාර්තමේන්තුවේ ලියාපදිංචි වී ‘බදු ගෙවන්නා හඳුනා ගැනීමේ අංකය’ (Taxpayer Indentification Number -TIN) මාර්ගගත ආකාරයට ලබා ගැනීමේ හැකියාව පවතී.

TIN Certificate ලබා ගැනීමට කිසියම් ආයතනයකින් හෝ පුද්ගලයෙකුගෙන් සේවාවක් ලබා ගැනීමට නොහැකි නම් කිසි ම හේතුවක් මත තමන්ගේ පෞද්ගලික තොරතුරු දේශීය ආදායම් දෙපාර්තමේන්තුවට හැර කිසිම පාර්ශවයකට ලබා නොදෙන ලෙස දේශීය ආදායම් දෙපාර්තමේන්තුව සඳහන් කරයි.

බදු ගෙවන්නා හඳුනා ගැනීමේ අංකය (TIN) තනිව ම ලබා ගැනීමට පෙර පහත ලේඛනවල පැහැදිලි ස්කෑන් (scan) කර පිටපත් සූදානම් කරගත යුතු ය.

• ජාතික හැඳුනුම්පත / වලංගු රියැදුරු බලපත්‍රය / වැඩිහිටි හැඳුනුම්පත
• ඔබගේ ස්ථිර ලිපිනය, ජාතික හැඳුනුම්පතේ සඳහන් ලිපිනයට වඩා වෙනස් නම් (අදාළ ලිපිනය තහවුරු කිරිම සඳහා ඔබගේ නමට නිකුත් කළ ජල හෝ
  විදුලි බිල්පතක් / ස්ථාවර දුරකතන බිල්පතක් / ග්‍රාම සේවක සහතිකයක්)
• ඔබ ලියාපදිංචි කරන ලද තනි පුද්ගල ව්‍යාපාරයක හිමිකරුවෙකු නම් අදාළ ව්‍යපාර ලියාපදිංචි කිරීමේ සහතිකය.

1 පියවර

• TIN Certificate ලබා ගැනීම සඳහා දේශීය ආදායම් දෙපාර්තමේන්තුවේ ePortal වෙත පිවිසීම හෝ QR Code එක ස්කෑන් (scan) කළ යුතු ය.
• බදු අංකය (TIN) ලබා ගැනීමට මෙම https://eservices.ird.gov.lk/Registration/TINRegistration/ShowRequestHeader පිවිසෙන්න.

2 පියවර

• එම අතුරු මුහුණතේ (interface) හි ‘Registration Type’ ලෙස සඳහන්ව ඇති තැන ‘INDIVIDUAL LOCAL’ ලෙසින් තෝරා, එවිට ලැබෙන අයැදුම්පත නිවැරදිව පුරවන්න.
• Nearest Regional Office යන කොටස පිරවීමෙන් වළකින්න.
• CONTACT NUMBER කොටසේ, ඔබගේ ජංගම දුරකතන අංකය සහ භාවිතයේ පවතින email address එක නිවැරදිව ඇතුළත් කරන්න.
• අයැදුම්පත පිරවීමේදී BANK INFORMATION ලබා දීම අනිවාර්යය නැත. ඔබ කැමති නම් එම කොටසට තොරතුරු ඇතුළත් කිරීම හෝ නොකිරීමට හැකියාව පවතී.
• ඔබ විවාහක නම් FAMILY INFORMATION යටතේ සම්පූර්ණ කළ යුතු විස්තර ද නිවැරදිව සම්පූර්ණ කරන්න.
• ඔබ තනි පුද්ගල ව්‍යාපාරයක හිමිකරුවෙකු නම් INDIVIDUAL BUSINESS යටතේ ඔබගේ ව්‍යාපාරයේ විස්තර නිවැරදිව ඇතුළත් කරන්න.

3 පියවර

• Supporting Documents ලෙසින් ඇති කොටසට ඔබ සූදානම් කරගෙන ඇති ජාතික හැඳුනුම්පත ඇතුළු ස්කෑන් (scan) ලේඛන නිවැරදිව තෝරා උඩුගත (upload) කරන්න.
• Purpose of registration ලෙසින් ඇති කොටසට Tax Purpose ලෙස තෝරන්න.
• එම අතුරු මුහුණතේ (Interface) පහළ ඇති Next Button එක click කරන්න.

4 පියවර

• ඔබ ඇතුළත් කළ සම්පූර්ණ තොරතුරු දැන් ඔබට දැක ගැනීමට හැකි ය.
• එම තොරතුරු වෙනස් විය යුතු නැත්නම් DECLARATION යන කොටස සම්පූර්ණ කර පසෙකින් පෙන්වන සත්‍යාපන කේතය (authentication code) ඇතුළත් කර ‘Submit’ කරන්න.
• එවිට ඔබට ලැබෙන Acknowledgement, TIN Certificate ලැබෙන තුරු සුරැකිව තබාගන්න.
• වැඩ කරන දින 5ක් ඇතුළත ඔබ ලබා දුන් email address වෙත ඔබගේ TIN Certificate සහ PIN එක ඔබට ලබා දෙනු ඇත.
• TIN Certificate ලබා ගත් පමණින් ඔබ ආදායම් බදු ගෙවීම සඳහා බැඳි නොසිටින අතර ඔබගේ ආදායම බදු ගෙවිය යුතු මට්ටමේ පවතී නම් පමණක් බදු ගෙවීම හා බදු වාර්තා ගොනු කිරීම සිදු කළ යුතු බව ආදායම් බදු දෙපාර්තමේන්තුව වැඩිදුරට ත් සඳහන් කරයි.

• වැඩිදුර තොරතුරු සඳහා ඇමුණුම බලන්න

The post TIN අංකය මාර්ගගතව (Online) ලබා ගන්නා ආකාරය appeared first on Govdoc Blog.

ජනවාරි 1 වන දා සිට වයස අවුරුදු 18ට වැඩි සියලු ම දෙනා දේශීය ආදායම් දෙපාර්තමේන්තුවේ ලියාපදිංචි අංකය (TIN) ලබා ගත යුතු බව දේශිය අදායම් කොමසාරිස් දෙපාර්තමේන්තුවේ කොමසාරිස් ඒ.එම්. නෆීර් පවසයි.

ඔහු මේ බව සඳහන් කළේ, ඊයේ ( දෙසැ. 28) ජනාධිපති මාධ්‍ය කේන්ද්‍රයේදී පැවති වැට් සංශෝධන පනත සහ එහි බලපෑම පිළිබඳව පැවති විශේෂ මාධ්‍ය සාකච්ජාවේදී ය.

ඔහු තවදුරට ත් සඳහන් කළේ, ලියාපදිංචි අංකය ලබා ගැනීම සහ බදු ලිපි ගොනු විවෘත කිරීම කාරණා දෙකක් බව ය.

සියලු පුරවැසියන්ට ජාතික හැඳුනුම්පත් අංකයක් තිබෙන ආකාරයට ම දේශීය ආදායම් දෙපාර්තමේන්තුවේ ලියාපදිංචි අංකය (TIN) ද පැවතිය යුතු බව ඔහු පැවසීය.

බදු ගෙවීම සඳහා තරම් ආදායමක් පවතින්නේ නම් පමණක් ඔවුන් ආදායම් බදු ගෙවිය යුතු වන අතර එවිට පමණක් ඔවුන්ට අදායම් බදු ගෙවීම සඳහා ලිපි ගොනුවක් විවෘත කිරීම සිදු වන කොමසාරිස්වරයා වැඩිදුරට ත් සඳහන් කළේ ය.

“තනි පුද්ගලයින් ලෙස 2022 වර්ෂයේ දී පුද්ගලයින් 204,467ක් බදු ලියාපදිංචි වී සිට අතර මේ වසරේ නොවැම්බර් මාසය අවසන් වන විට එම සංඛ්‍යාව 500,196 දක්වා වැඩි වී තිබෙනවා. ලියාපදිංචි හවුල් ව්‍යාපාර සංඛ්‍යාව 13,776 සිට 15,579 දක්වා වැඩි වී තිබෙනවා. උපයන විට ගෙවන බද්ද සඳහා ලියාපදිංචි සංඛ්‍යාව 41,636 සිට 242,679 දක්වා වර්ධනය වී තිබෙනවා. වැට් බද්ද සඳහා ලියාපදිංචි සංඛ්‍යාව 10,604 සිට 13,546 දක්වා වැඩි වී තිබෙනවා. 2019 වසරේ බිලියන 1025ක් වූ දේශීය ආදායම් දෙපාර්තමේන්තුවේ ආදායම, 2020 වර්ෂයේදී බිලියන 500 දක්වා අඩු වූවත් මේ වර්ෂයේදී අපට බිලියන 1500 දක්වා ඉහළ නැංවීමට හැකි වුණා. එය සිදු වුණේ බදු පදනම පුළුල් කිරීම සහ බදු අනුපාතයන් වෙනස් කිරීම මගිනුයි.”

The post TIN අංකය යනු කුමක් ද? appeared first on Govdoc Blog.

ඔබගේ බදු ගෙවීම් වඩාත් නිවැරදිව සහ ප්‍රමාදයකින් තොරව දේශිය  අාදායම් කොමසාරිස් නමින් පවතින ගිණුමෙහි ගිණුම්ගත කිරීම සදහා පහත කරුණු කෙරෙහි ඔබගේ දැඩි අවධානය යොමු කරන ලෙස දන්වමු…

The post බදු ගෙවන්නන් වෙත කෙරෙන නිවේදනය appeared first on Govdoc Blog.

පළමු කාර්තුවේ අපේක්ෂිත ආදායමෙන් 19% පමණක් උපයා ගෙන ඇති බවට පළ වූ මාධ්‍ය වාර්තා අමාත්‍යවරයා විසින් ප්‍රතික්ෂේප කර සිටින අතර, පළමු කාර්තුවේ අපේක්ෂිත ආදායමෙන් රේගුව විසින් 89% ක ප්‍රමාණයක් සහ සුරා බදු දෙපාර්තමේන්තුව විසින් 64 % ප්‍රමාණයක් උපයා ගෙන ඇති බව ඔහු වැඩිදුරටත් පෙන්වා දෙනවා.

The post 2023 පළමු කාර්තුවේ ඉලක්ක ගත බදු ආදායම ඉක්මවා ආදායම් appeared first on Govdoc Blog.