2025 ජුනි 14 වන දින පවත්වන ලද, ශ්‍රී ලංකා විදේශ දූත මණ්ඩලවල කළමනාකරණ සේවා නිලධාරීන්ගේ (MSO) සේවා කාර්ය මණ්ඩලයේ පුරප්පාඩු පිරවීම සඳහා වූ තරඟකාරී විභාගයේ විභාග ප්‍රතිඵල (සියලුම අපේක්ෂකයින්ගේ ලකුණු) විභාග දෙපාර්තමේන්තුව විසින් නිකුත් කර ඇත.

ප්‍රතිඵල පරීක්ෂා කරන්නේ කෙසේද – අපේක්ෂකයින්ට මෙම පියවර අනුගමනය කිරීමෙන් ඔවුන්ගේ ප්‍රතිඵල මාර්ගගතව පරීක්ෂා කළ හැකිය:

1. නිල ප්‍රතිඵල වෙබ් අඩවියට පිවිසෙන්න: www.results.exams.gov.lk
2. අදාළ විභාගය මත ක්ලික් කරන්න
3. ඔබේ විභාග අංකය ඇතුළත් කරන්න
4. ඔබේ ප්‍රතිඵලය බැලීමට “ප්‍රතිඵල බලන්න” බොත්තම ක්ලික් කරන්න

The post කළමනාකරණ සේවා නිලධාරීන්ගේ (MSO) විදේශ දූත මණ්ඩල විභාගයේ 2025 ප්‍රතිඵල (පුද්ගලික ලකුණු) නිකුත් කර ඇත. appeared first on Govdoc Blog.

සංචාරක කර්මාන්තයේ ඉන්ධන අවශ්‍යතා වෙනුවෙන් ලියාපදිංචි විය යුතු ආකාරය සම්බන්ධයෙන් විදේශ කටයුතු, විදේශ රැකියා සහ සංචාරක අමාත්‍යාංශය විසින් නිවේදනයක් නිකුත් කර ඇත.

ඒ අනුව, සංචාරක කර්මාන්ත කටයුතු සඳහා අවශ්‍ය ඉන්ධන ලබා ගැනීමට www.tourismfuel.sltda.gov.lk යන සබැඳිය ඔස්සේ තොරතුරු ලබා දෙන ලෙස එම අමාත්‍යාංශය ඉල්ලා සිටී. පෝරමය පිරවීම සඳහා Gmail ගිණුමක් භාවිත කිරීම අනිවාර්ය බව ද සංචාරක අමාත්‍යාංශය වැඩිදුරටත් සඳහන් කර තිබේ.

මෙම නව පියවර මඟින් සංචාරක කර්මාන්තයේ නියුතු හෝටල් හිමියන්, සංචාරක මගපෙන්වන්නන් සහ ප්‍රවාහන සේවා සපයන්නන්ට ඉන්ධන ගැටලුවලින් තොරව සිය සේවාවන් පවත්වාගෙන යාමට අවස්ථාව සැලසේ.

The post සංචාරක කර්මාන්තය සඳහා ඉන්ධන නිකුත් කිරීම පිළිබදව දැනුම් දීමක් appeared first on Govdoc Blog.

ශ්‍රී ලංකා විදේශ සේවයේ නිලධාරීන් සඳහා වන 2025 (2026) පළමු සහ දෙවන කාර්යක්ෂමතා කඩඉම් විභාග සහ විදේශ භාෂා පරීක්ෂණ කල් දමන බව විභාග දෙපාර්තමේන්තුව විසින් නිවේදනය කර ඇත.

2026 මාර්තු 3 වන දින නිකුත් කරන ලද විශේෂ නිවේදනයකට අනුව, විභාග මුලින් 2026 මාර්තු 23, 24, 25, 26, 27 සහ 28 යන දිනවල පැවැත්වීමට නියමිතව තිබුණු අතර කෙසේ වෙතත්, විදේශ කටයුතු, විදේශ රැකියා සහ සංචාරක අමාත්‍යාංශයේ ලේකම්වරයාගේ ඉල්ලීමකට අනුව විභාග නැවත දැනුම් දෙන තුරු කල් දමා ඇත.

The post ශ්‍රී ලංකා විදේශ සේවා නිලධාරීන් සඳහා වන 2026 පළමු හා දෙවන කාර්යක්ෂමතා කඩඉම් සහ විදේශ භාෂා විභාග කල් දමා ඇත appeared first on Govdoc Blog.

විදේශ කටයුතු, විදේශ රැකියා හා සංචාරක අමාත්‍යාංශය යටතේ පවතින ශ්‍රී ලංකා විදේශ සේවා නියුක්ති කාර්යාංශය මගින් 2026 වර්ෂයේ විදේශ රැකියා සඳහා ශ්‍රී ලාංකික ශ්‍රමිකයින් 310,000 පිරිසක් පිටත් කිරීමට ඉලක්ක කර ඇතැයි එම කාර්යාංශය සඳහන් කර ඇත.

ඒ අනුව එම පිරිසගෙන් වැඩිම පිරිසක් වූ 77,500 කුවේට් රාජ්‍යය රැකියා සඳහා ඉල්ලීම් කර ඇති අතර, එක්සත් අරාබි එමිර් රාජ්‍යයට 63,500ක්, කටාර් රාජ්‍යයට 44 ,000ක්, සෞදි අරාබියට 31,000 සහ වෙනත් රටවල් 17ක් සඳහා මෙම ඉලක්ක ඉදිරිපත් තිබේ.

රාජ්‍යයන් අතර අත්සන් කරන ලද විදේශ රැකියා අවබෝධතා ගිවිසුම් අනුව ක්‍රියාත්මක වැඩසටහන් යටතේ 2026 වර්ෂයේ දි ඊශ්‍රායල් රාජ්‍යයට 15,000ක්, ජපන් රාජ්‍යයට 12,500ක් සහ දකුණු කොරියාවට 6,000ක් පිටත් කිරීමට සැලසුම් කර තිබේ.

මේ අතර 2025 වර්ෂයේ දී 300,000 රැකියා ඉලක්ක කලද එම ඉලක්කය ඉක්මවා ශ්‍රී ලාංකික ශ්‍රමිකයන් 311,207 දෙනෙකු රැකියා සඳහා පිටත්ව ගොස් තිබේ. එම වර්ෂයේ දි ඇමරිකන් ඩොලර් මිලියන 8,000 කට වැඩි විගමනික ප්‍රේෂණ ශ්‍රී ලංකාවට ලැබිණි.  විදෙස්ගත වූ වැඩි සේවකයන් පිරිසක් ඉහළ වැටුප් සහිත ගමනාන්තවල රැකියා ලබාගෙන තිබෙන අතර කෙසේවෙතත්, දත්ත මගින් සාම්ප්‍රදායික නොවන, ඉහළ ආදායම් ලබන වෙළඳපොළවල් කෙරෙහි ධනාත්මක හැරීමක් පෙන්නුම් කරයි.

මේ වසරේ ජනවාරි මාසයේදී පමණක් ශ්‍රමිකයන් 20,484 දෙනෙකු විදේශ රැකියා සඳහා පිටත්ව ගොස් ඇති බව සඳහන් වේ.

The post 2026 වර්ෂයේ විදේශ රැකියා සඳහා ශ්‍රී ලාංකිකයන් 310000 ක පිරිසක් පිටත් කිරීමට ඉලක්ක කරයි appeared first on Govdoc Blog.

ඊයේ (07) දිනයේ අදාළ ගිවිසුම් සඳහා අත්සන් තබා ඇති බව විදේශ කටයුතු අමාත්‍ය ජනාධිපති නීතීඥ අලි සබ්රි මහතා සඳහන් කළේය.

සෞඛ්‍ය සහයෝගීතාව, සංස්කෘතික සහයෝගීතාව සහ මාලදිවයිනේ සංස්කෘතික මධ්‍යස්ථානයක් පිහිටුවීම සම්බන්ධයෙන් අදාළ අවබෝධතා ගිවිසුම් අත්සන් තබා තිබේ.

ශ්‍රී ලංකාව – මාලදිවයින අතර ඒකාබද්ධ කොමිසමේ සිව්වන සැසිවාරයට සමගාමීව එම ගිවිසුම් අත්සන් තබා ඇති බව වාර්තා වේ.

ශ්‍රී ලංකාව සහ මාලදිවයින අතර ඒකාබද්ධ කොමිසමේ සිව්වන සැසිවාරය ඊයේ සහ පෙරේදා දිනවල විදේශ කටයුතු අමාත්‍යංශයේදී පැවැත්වුණි.

මෙම සැසිවාරය සඳහා මාලදිවයින නියෝජනය කරමින් එරට විදේශ කටයුතු අමාත්‍ය අබ්දුල්ලා ශහීඩ් මහතා එක්ව සිටියේය.

The post ශ්‍රී ලංකාව සහ මාලදිවයින අතර අවබෝධතා ගිවිසුම් කිහිපයක් appeared first on Govdoc Blog.