තැපැල් නිලධාරීන් වර්ජනය කළ දින ගණන වාර්ෂික නිවාඩු සංඛ්‍යාවෙන් අඩු කරන බව තැපැල්පති රුවන් සත්කුමාර පැවසීය.

සියලු තැපැල් නිලධාරීන්ගේ නිවාඩු අවලංගු කර තිබියදී සේවයට වාර්තා නොකිරීමෙන් මෙම පිරිස තැපැල් දෙපාර්තමේන්තුවේ නියෝග උල්ලංඝණය කර ඇතැයි ද තැපැල්පතිවරයා සඳහන් කළේ ය.

වර්ජනය කළ දින කිහිපය තුළ තැපෑලට පාඩු සිදුවීම, දෙපාර්තමේන්තුවේ දෛනික රාජකාරිවලට බාධා එල්ල වීම, මහජනතාවට සේවා ලබානොදීම, ආයතනයේ තීරණවලට පටහැනි වීම ඇතුළු කරුණු කිහිපයක් සලකා බලා මෙම සේවකයන් පිළිබඳව ඉදිරියේදී තීරණයක් ගන්නා බවද හෙතෙම කීවේය.

වැඩවර්ජනය හේතුවෙන් සුළු හා මධ්‍ය පරිමාණ ව්‍යාපාරවලට බාධා එල්ල වී ඇතැයි කී රුවන් සත්කුමාර මහතා ගෙවුණු දින කිහිපයේ මහජනතාව උප තැපැල් කාර්යාලවලින් සපයන සේවාවන් පෞද්ගලික අංශයෙන් ලබාගෙන ඇතැයි පැවැසීය.

මධ්‍යම තැපැල් හුවමාරුව, තැපැල් හා උප තැපැල් කාර්යාලවල ගොඩගැසී ඇති ලිපි හා පාර්සල් සංඛ්‍යාව මෙතෙක් ගණනය කර නැතැයි පැවැසූ හෙතෙම වෘත්තීය ක්‍රියාමාර්ග ආරම්භ කරන විට කොළඹ මධ්‍යම තැපැල් හුවමාරුවේ හිර වී තිබූ පාර්සල් තොගයක් කුරුණෑගලට ප්‍රවාහනය කළ බව කීවේය.

මේ අතර, වැඩවර්ජනය මධ්‍යයේ විවෘතව පවතින තැපැල් කාර්යාලවලට හා උප තැපැල් කාර්යාලවලට ගොස් මහජනතාවට බිල්පත් හා වාහන දඩ ගෙවීමට අවස්ථාව තිබෙන බවද තැපැල්පතිවරයා සඳහන් කළේ ය.

තැපැල් කාර්යාල 92ක් සහ උප තැපැල් කාර්යාල 3,154ක් විවෘතව පවතින බවත්, ඒ අනුව වෘත්තීය සමිති ක්‍රියාමාර්ගය අසාර්ථක වී තිබෙන බවත් හෙතෙම ප්‍රකාශ කළේය.

වැඩවර්ජනය තවදුරටත් පවත්වාගෙන යෑමෙන් වෘත්තීය සමිතිවලට හෝ දෙපාර්තමේන්තුවට ශක්තියක් ඇති නොවන බවත් රජයේ ප්‍රතිපත්තිවලට අභියෝග නොකර සේවයට වාර්තා කරන්නැයි වෘත්තීය සමිතිවලින් ඉල්ලා සිටින බවත් ඔහු කීවේය.

The post වර්ජනය කළ දින ගණන නිවාඩුවලින් අඩු කරයිද ? appeared first on Govdoc Blog.

සේවක හිඟය හේතුවෙන් මේ වනවිට තැපැල් දෙපාර්තමේන්තුව අකර්මන්‍ය වී ඇති බවයි ඒකාබද්ධ තැපැල් සේවක වෘත්තීය සමිති එකමුතුවේ කැඳවුම්කරු චින්තක බණ්ඩාර සඳහන් කළේ.

ඒ අනුව 13 වනදා උදෑසන සිට රටපුරා සියලු තැපැල් කාර්යාල වසා දැමීමට කටයුතු කරන බවයි ඔහු වැඩිදුරටත් සඳහන් කළේ.

The post තැපැල් සේවකයින් අද මධ්‍යම රාත්‍රි​යේ සිට වැඩවර්ජනයක appeared first on Govdoc Blog.

UGC උප සභාපති ජ්‍යෙෂ්ඨ මහාචාර්ය චන්දන පී උඩවත්ත පැවසුවේ මේ හේතුවෙන් උපාධි අපේක්ෂකයින් 50,000 කට වැඩි පිරිසකට සැලසුම් කළ කාල සීමාව තුළ සිය උපාධිය සම්පූර්ණ කිරීමට නොහැකි වනු ඇති බවයි.

මෙම වැඩවර්ජන ක්‍රියාමාර්ගය හේතුවෙන් උසස් පෙළ විභාගයෙන් සමත් වූවන් සඳහා උපාධි පාඨමාලා සඳහා අයදුම් කළ යුතු ආකාරය ඇතුළත් විශ්වවිද්‍යාල ප්‍රවේශ අත්පොත නිකුත් කිරීම ද ප්‍රමාද වූ බව ඔහු පැවසීය.

විශ්වවිද්‍යාල අනධ්‍යන කාර්ය මණ්ඩලවල ගැටලු විසඳීම සඳහා අවශ්‍ය යෝජනා අධ්‍යාපන අමාත්‍යවරයා විසින් මේ වන විටත් කැබිනට් මණ්ඩලයට ඉදිරිපත් කර ඇති බව මහාචාර්ය උඩවත්ත මහතා පැවසීය.

කෙසේ වෙතත්, විශ්වවිද්‍යාල වෘත්තීය සමිති එකමුතුවේ සම කැඳවුම්කරු ධම්මික එස් ප්‍රියන්ත කියා සිටියේ තම ඉල්ලීම්වලට යහපත් විසඳුම් ලබාදෙන තුරු අඛණ්ඩ වර්ජනය අඛණ්ඩව ක්‍රියාත්මක කරන බවයි.

වර්ජනය 16 වැනි දිනටත් ක්‍රියාත්මකයි.

The post අනධ්‍යන සේවක වර්ජනය හේතුවෙන් විශ්වවිද්‍යාල විභාග කල් යයි. appeared first on Govdoc Blog.

source – www.mawbima.lk

The post සරසවි අනධ්‍යයන කාර්ය මණ්ඩලය අද සිට අඛණ්ඩ වර්ජනය appeared first on Govdoc Blog.

ඒ අනුව වරාය, ඛනිජ තෙල්, විදුලිය, ජල, බැංකු, විශ්වවිද්‍යාල සහ ටෙලිකොම් වෘත්තීය සමිති මෙම වැඩවර්ජනයට එක්වන බව මේ වන විට නිල වශයෙන් ප්‍රකාශ කර තිබෙනවා.

මේ අතර රජයේ වෛද්‍ය නිලධාරීන්ගේ සංගමය වර්ජනයට එක්නොවී ප්‍රාදේශීය වශයෙන් විරෝධතා වල නිරත වීමට තීරණය කර තිබෙනවා. රෝහල් වලට පැමිණෙන රෝගීන්ව අපහසුතාවට ලක් නොකර ප්‍රතිකාර ලබාදීමට උපරිම උත්සාහ ගැනීම වෙනුවෙන් මෙම තීරණය ගත් බවයි ඔවුන් සඳහන් කරන්නේ.

තැපැල් සහ ගුරු වෘත්තීය සමිති මෙම වැඩ වර්ජනයට සහය ලබාදෙන නමුත් වර්ජනයට එක් නොවී කළු පටි සහ කළු ඇඳුම්වලින් සැරසී මේ සඳහා සහයෝගය ලබාදෙන බවයි එම වෘත්තීය සමිති පෙන්වා දෙන්නේ.

දුම්රිය වෘත්තීය සමිතිද වර්ජනයට එක්නොවී විරෝධතාවක නිරතවෙමින් වර්ජනයට සහය පළකිරීමට තීරණය කර ඇති අතර මේ හේතුවෙන් දුම්රිය ප්‍රමාදයන් සිදුවිය හැකි බවයි ඔවුන් පෙන්වා දෙන්නේ.

The post අද දැවැන්ත වැඩ වර්ජනයක් appeared first on Govdoc Blog.

ක්ෂේත්‍ර රැසක වෘත්තීය සමිති නියෝජිතයින් ඊයේ පස්වරුවේ පැවැත්වූ සාකච්ඡාවකින් අනතුරුව මෙම තීරණය ගෙන ඇති බව වාර්තා වෙයි.

ඒ අනුව තෙල්, විදුලි, වරාය, ජල සම්පාදන, සෞඛ්‍ය, අධ්‍යාපන, බැංකු පද්ධතිය ඇතුළු ක්ෂේත්‍ර රැසක වෘත්ති සමිති ඒකාබද්ධව මෙම වැඩ වර්ජනය සිදුකිරිමට එහිදි වෘත්තීය සමිති නියෝජිතයින් තීරණය කර තිබේ.

The post මාර්තු මස 1 වනදා ඒකාබද්ධ මහා වැඩ වර්ජනයක් appeared first on Govdoc Blog.