එළඹෙන අප්‍රේල් පාසල් නිවාඩුවෙන් පසු බස්නාහිර පළාත් ගුරු පුරප්පාඩු රැසක් පිරවීමට කටයුතු කරන බව අධ්‍යාපන අමාත්‍ය ආචාර්ය සුසිල් ප්‍රේමජයන්ත අද (අප්‍රේල් 1) පාර්ලිමේන්තුවේදී පැවසීය.

ගුරු විභාගයෙන් සමත් වූ 2,400ක් පිරිස සඳහා මේ වන විට පත්වීම් ලබා දී ඇති බවත් ඉතිරි පිරිසට එළඹෙන අප්‍රේල් නිවාඩුවෙන් පසු පත්වීම් ලබා දීමට කටයුතු කරන බව ත් අමාත්‍යවරයා සඳහන් කළේ ය.

“විභාගයෙන් සමත් වූ 2400ක් සඳහා මේ වන විට පත් වීම් ලබා දී තිබෙනවා. ගුරු වර්ගය අනුව තමයි මෙම පිරිස තෝර ගෙන තිබෙන්නේ. අප්‍රේල් නිවාඩුවෙන් පසු ඉතිරි පිරිස බඳවා ගැනීමට බස්නාහිර පළාත් සභාව මේ වන කටයුතු කරමින් යනවා.”

උපාධිධාරින් 40,000ක් පමණ විරැකියාවෙන් පෙළෙන බවට විපක්ෂ නායකවරයා සිදු කරන චෝදනාව සම්බන්ධයෙන් අදහස් දක්වමින් අමාත්‍යවරයා පැවසුවේ, මේ වන විටත් විද්‍යාව, තාක්ෂණය වැනි විෂයයන් ඉගැන්වීම සඳහා උපාධිධාරින් 2,700ක් තෝරාගෙන ඇති බව ය.

උපාධිධාරින් ගුරු පුරප්පාඩු සඳහා බඳවා ගැනීමේ විභාගය පවත්වා ඇති බව ත්, එම විභාගයේ ප්‍රතිඵල අනුව හැකි ඉක්මිනින් බඳවා ගැනීම් සිදුකරන බව ත් ඔහු පැවසීය.

එමෙන් ම, උසාවි නියෝගය ඉවත් වූ නිසා තවත් 13,000ක් පමණ පිරිස බඳවා ගැනීමට කටයුතු කරන බව සඳහන් කළ අමත්‍යවරයා පැවසුවේ, වැඩබලන විදුහල්පතිවරුන් බඳවා ගැනීම සම්බන්ධයෙන් අවශ්‍ය කටයුතු සිදු කරන බව ය.

The post ගුරු පත්වීම් අපේක්ෂකයින්ට සුබ ආරංචියක් appeared first on Govdoc Blog.

පෙබරවාරි මාසයේ අග වනවිට ගුරු පත්වීම් හතළිස් දහසක් ලබා දීමට සැලසුම් කර ඇතැයි අධ්‍යාපන ඇමති ආචාර්ය සුසිල් ප්‍රේම්ජයන්ත් පාර්ලිමේන්තුවේදී පැවසීය.

ඒ අනුව, දැනට පාසල්වල පවතින ගුරු පුරප්පාඩු සියල්ල සම්පූර්ණ කිරීමට හැකිවන බව ද ඇමතිවරයා සඳහන් කළේ ය.

මේ යටතේ පාසල්වල ප්‍රධාන විෂයන් හයකට ගුරුවරුන් පන්දහස් පන්සියයක් බඳවා ගැනීමට ගැසට් පත්‍රයක් සූදානම් කර ඇතැයි ද හෙතෙම ප්‍රකාශ කළේ ය.

රසායන විද්‍යාව, භෞතික විද්‍යාව, ජීව විද්‍යාව, ගණිතය, තාක්ෂණවේදය සහ විශේෂ භාෂා යන විෂයයන්වලට ගුරු සේවා ව්‍යවස්ථාව අනුව මෙම පිරිස බඳවා ගන්නා බව ද ඇමතිවරයා සඳහන් කළේ ය.

එසේ ම ශ්‍රේෂ්ඨාධිකරණ නියෝගයක් අනුව උපාධිධාරීන් විසි දෙදහසකට ගුරු පත්වීම් ලබාදීමට නියමිත බවත්, මෙම පිරිස දැනට රාජ්‍ය සේවයේ රාජකාරිවල නියුතුව සිටින බවත් හෙතෙම ප්‍රකාශ කළේ ය.

මීට අමතරව අධිකරණ නියෝගයක් අනුව පළාත් සභා මගින් ගුරුවරුන් දහතුන් දහසක් බඳවා ගැනීමට නියමිත බව ද ඔහු කීවේ ය.

The post ගුරුවරුන් 40,000කට පත්වීම් appeared first on Govdoc Blog.