තමා උගන්වන පාසලේ දරුවන් වෙත මුදල් අය කර පෞද්ගලික උපකාරක පන්ති පැවැත්වීම තහනම් කරමින් දකුණු පළාත් අධ්‍යාපන අමාත්‍යංශයේ ලේඛම් විසින් චක්‍රලේඛයක් නිකුත් කරයි.

දකුණු පළාතේ පාසල්වල ගුරුවරුන්ට තම පාසලේ ඉගෙනුම ලබන සිසුන්ගෙන් මුදල් අය කරමින් උපකාරක පන්ති පැවැත්වීම තහනම් කිරීමට පියවර ගන්නා බව දකුණු පළාත් ආණ්ඩුකාර විලී ගමගේ මහතා සඳහන් කරනු ලැබුවේ ඉකුත් ජනවාරි මාසයේදීය. ඒ අනුව මෙම චක්‍රලේඛය නිකුත් කර ඇති බව සඳහන්ය.

මේ වන විට මධ්‍යම, වයඹ, සබරගමුව, නැඟෙනහිර යන පළාත්වල ද එකී පළාතේ පාසල්වල ගුරුවරුන්ට තම පාසලේ ඉගෙනුම ලබන සිසුන්ට මුදල් අය කර උපකාරක පන්ති පැවැත්වීම තහනම් කර තිබේ. මධ්‍යම පළාත තුළ 2023 වසරේ ජූනි මාසයේ ද සබරගමු පළාත තුළ 2023 වසරේ අගොස්තු මාසයේ ද නැඟෙනහිර පළාත තුළ පසුගිය වසරේ ඔක්තෝබර් මාසයේ ද වයඹ පළාත තුළ පසුගිය ජනවාරි මාසයේ ද මෙම තහනම පනවා තිබිණි. දකුණු පළාතත් මෙම තහනමට එක්වීමත් සමඟ මේ වන විට පළාත් 05ක පාසල්වල ගුරුවරුන්ට තම පාසලේ ඉගෙනුම ලබන සිසුන්ට මුදල් අය කර උපකාර පන්ති පැවැත්වීම තහනම්ය.

දකුණු පළාත් අධ්‍යාපන අමාත්‍යාංශය මඟින් මේ සම්බන්ධයෙන් නිවේදනයක් ද නිකුත් කර ඇත. එහි මෙසේ ද සඳහන් වේ.

දකුණු පළාතේ පාසල්වල ඇතැම් ගුරුභවතුන් තම පාසලේ ඉගෙනුම ලබන සිසුන් සඳහා පාසල් වේලාව තුළ, පාසල් වේලාවෙන් පසුව හෝ සතිඅන්ත නිවාඩු දිනවල, රජයේ නිවාඩු දිනවල විවිධ බාහිර ස්ථානවල මුදල් අය කර අමතර පන්ති පැවැත්වෙන බවත් එම පන්තිවලට සහභාගි නොවන සිසුන්ට විවිධ බලපෑම් සිදු කරන බවත් විටින් විට වාර්තා වීම සමඟ මෙම තීරණය ගෙන තිබේ. ඒ අනුව සිසුන්ගේ පාසල් පැමිණීම ඉහළ නැංවීම සහ පාසල් කාලය තුළදී ගුරු භවතුන් විසින් මුදල් අය කරමින් පෞද්ගලික පන්තිවල ඉගැන්වීම වැළැක්වීම සම්බන්ධ අධ්‍යාපන අමාත්‍යාංශ චක්‍රලේඛ 2006/45ට අතිරේකව දකුණු පළාතේ පාසල්වල ගුරු භවතුන්ට තම පාසලේ ඉගෙනුම ලබන සිසුන් සඳහා පාසල් වේලාව තුළ හා පාසල් වේලාවෙන් පසුව හෝ සතිඅන්ත නිවාඩු දිනවල හා රජයේ නිවාඩු දිනවල විවිධ බාහිර ස්ථානවල මුදල් අය කර අමතර පන්ති පැවැත්වීම මෙම චක්‍රලේඛය මඟින් තහනම් කිරීමට පියවර ගෙන තිබේ.

දකුණු පළාතේ මෙම ප්‍රතිපත්තිමය තීරණය සම්බන්ධයෙන් ඔබ කලාපයේ කොට්ඨාපයේ පාසලේ සියලු ගුරුභවතුන් මැනවින් දැනුවත් කළ යුතු අතර සියලු ගුරුභවතුන් මේ පිළිබඳ දැනුවත් වූ බවට සහතිකයක් ලබාගත යුතු බවත් ඒ අනුව 2024.03.06 වැනි දින සිට මෙම නියෝගය ක්‍රියාත්මක කිරීමට උපදෙස් දී තිබේ. මෙම උපදෙස් නොසලකා කටයුතු කරන ගුරුවරුන් සම්බන්ධයෙන් විනයානුකූලව කටයුතු කිරීමට සිදුවන බවට අවධාරණය කොට තිබේ. එසේම මෙම උපදෙස් නොසලකා කටයුතු කරන ගුරුවරුන් පිළිබඳ වාර්තා වන අවස්ථාවලදී විදුහල්පතිවරුන් විසින් කලාප අධ්‍යාපන අධ්‍යක්ෂවරුන් දැනුවත් කර නිසි ක්‍රියාමාර්ග ගැනීමට පියවර ගත යුතු බව ද අදාළ නිවේදනයේ සඳහන් වේ. පාසල් දරුවන්ගේ අධ්‍යාපන අයිතීන් තහවුරු කිරීම සඳහා මෙම ක්‍රියාවලිය නිසි ලෙස සිදුවේදැයි නිරන්තර අධීක්ෂණය කළ යුතු බවට අදාළ නිලධාරීන් වෙත උපදෙස් දීමට පියවර ගෙන තිබේ.

වැඩි විස්තර : දිනමිණ (2024-03-20)

The post දකුණු පළාත් ගුරුවරුන්ට තම පාසල් සිසුන්ට උපකාරක පන්ති තහනම් appeared first on Govdoc Blog.

පෙබරවාරි මාසයේ අග වනවිට ගුරු පත්වීම් හතළිස් දහසක් ලබා දීමට සැලසුම් කර ඇතැයි අධ්‍යාපන ඇමති ආචාර්ය සුසිල් ප්‍රේම්ජයන්ත් පාර්ලිමේන්තුවේදී පැවසීය.

ඒ අනුව, දැනට පාසල්වල පවතින ගුරු පුරප්පාඩු සියල්ල සම්පූර්ණ කිරීමට හැකිවන බව ද ඇමතිවරයා සඳහන් කළේ ය.

මේ යටතේ පාසල්වල ප්‍රධාන විෂයන් හයකට ගුරුවරුන් පන්දහස් පන්සියයක් බඳවා ගැනීමට ගැසට් පත්‍රයක් සූදානම් කර ඇතැයි ද හෙතෙම ප්‍රකාශ කළේ ය.

රසායන විද්‍යාව, භෞතික විද්‍යාව, ජීව විද්‍යාව, ගණිතය, තාක්ෂණවේදය සහ විශේෂ භාෂා යන විෂයයන්වලට ගුරු සේවා ව්‍යවස්ථාව අනුව මෙම පිරිස බඳවා ගන්නා බව ද ඇමතිවරයා සඳහන් කළේ ය.

එසේ ම ශ්‍රේෂ්ඨාධිකරණ නියෝගයක් අනුව උපාධිධාරීන් විසි දෙදහසකට ගුරු පත්වීම් ලබාදීමට නියමිත බවත්, මෙම පිරිස දැනට රාජ්‍ය සේවයේ රාජකාරිවල නියුතුව සිටින බවත් හෙතෙම ප්‍රකාශ කළේ ය.

මීට අමතරව අධිකරණ නියෝගයක් අනුව පළාත් සභා මගින් ගුරුවරුන් දහතුන් දහසක් බඳවා ගැනීමට නියමිත බව ද ඔහු කීවේ ය.

The post ගුරුවරුන් 40,000කට පත්වීම් appeared first on Govdoc Blog.

ඉහත කරුණ සම්බන්ධයෙන් NEMIS දත්ත පද්ධතිය මගින් හදුනා ගන්නා ලද 2023-12-31 දින වන විටත් එකම පාසලක වසර 10 ක් හෝ ඊට වඩා වැඩි කාලයක් සම්පූර්ණ වන ජාතික පාසල් ගුරුභවතුන්ගේ නාම ලේඛනය 2023-11-23 දින සිට අධ්‍යාපන අමාත්‍යංශයේ නිල වෙබ් අඩවියේ (www.moe.gov.lk) පළ කිරීමට නියමිතය.

වැඩි විස්තර :

• Name List of Teachers
• NEMIS Coordinators List

The post එකම පාසලේ වසර 10ක් හෝ ඊට වැඩි සේවා කාලයක් සම්පූර්ණ කරන ලද ගුරු නාම ලේඛනය ප්‍රදර්ශනය කිරීම appeared first on Govdoc Blog.

වසර දෙකක ගුරු “ශික්ෂණ” විද්‍යාලවල පුහුණුව සඳහා පහත සුදුසුකම් ඇති ගුරුවරුන්ගෙන් අයදුම්පත් කැඳවනු ලැබේ.

අයදුම්කරු විසින් අයදුම්පත අඩුපාඩු රහිතව සහ නිවැරදිව ඉදිරිපත් කළ යුතුය.

වැඩි විස්තර,

Sinhala Advertisement

English Advertisement

Tamil Advertisement

Sinhala Application

English Application

Tamil Application

The post ගුරු අධ්‍යාපන පාඨමාලා සඳහා ගුරුවරුන් තෝරා ගැනීම – 2023/2024 appeared first on Govdoc Blog.

ගුරුවරුන් වෙනදා සංඛ්‍යාවට වඩා දෙගුණයක් මෙවර එකවර විශ්‍රාම යෑම නිසා බරපතළ ගුරු හිඟයක් ඇතිවූ බවද අමාත්‍යවරයා කීවේය.

ප්‍රේමජයන්ත මහතා මෙසේ පැවසුවේ විපක්ෂ නායක සජිත් ප්‍රේමදාස මහතා මතු කළ ප්‍රශ්නයකට පිළිතුරු දෙමිනි.

ආචාර්ය සුසිල් ප්‍රේම ජයන්ත මහතා මෙසේද සඳහන් කළේය.

“විද්‍යා පීඨ ගුරුවරුන් හත්දාස් පන්සියයකට ලබන 16 වැනිදා පත්වීම් දෙනවා. ජාතික සහ පළාත් මට්ටමින් උපාධිධාරීන් විසිහයදාහක් බදවාගන්න අයදුම්පත් කැඳෙව්වා. ඒක දැන් අධිකරණය ඉදිරියේ තියෙන්නෙ. ඌන සේවා උපාධිධාරීන්ද මේ විභාගයට අයදුම් කරලා තියෙනවා. සෙනසුරාද විභාගය පවත්වන්න තිබුණා. බ්‍රහස්පතින්දා තහනම් කළා. අපි ඒ ගැන නීතිපතිවරයා මගින් ශ්‍රේෂ්ඨාධිකරණයට කරුණු ඉදිරිපත් කරනවා . ගණිතය, විද්‍යාව ,තාක්ෂණවේදය භාෂා විෂයයන් සඳහා අවශ්‍ය ගුරුවරුන් හයදහස් බඳවා ගැනීමට අනුමැතිය සති දෙකක් ඇතුළත ලබාගන්නව. ජාතික පාසල්වලට පළාත් පාසල්වලට ඒ සඳහා අවසර දෙනවා.අධිකරණ කටයුතු අවසන් කර ගත්තොත් අපිට ගුරුවරුන් 26,000 බඳවා ගැනීම ඉක්මනින්ම කරන්න පුළුවන්.”

The post ජාතික සහ පළාත් පාසල්වලට ගුරුවරුන් 39,000ක් appeared first on Govdoc Blog.

ඒ අනුව දැනට රාජ්‍ය සේවයේ තුළ සිටින අයගෙන් එම බඳවා ගැනීම් සිදුකරන බවයි අමාත්‍යවරයා වැඩිදුරටත් සඳහන් කළේ.

The post රාජ්‍ය සේවකයින් අතරින් 26,000 ක් ගුරුවරු ලෙස බඳවා ගන්නවා appeared first on Govdoc Blog.