ශ්‍රී ලංකාව තුළ බලපත්‍ර ලබා ගැනීමකින් තොරව නීතිවිරෝධී ලෙස අන්තර්ජාල සූදු සහ ඔට්ටු ඇල්ලීමේ සේවාවන් පවත්වාගෙන යනු ලබන වෙබ් අඩවි 122කට ශ්‍රී ලංකාව තුළ පිවිසීම (Access) වහාම ක්‍රියාත්මක වන පරිදි අත්හිටුවීමට (Block) ඩිජිටල් ආර්ථික අමාත්‍යාංශය යටතේ පවතින ශ්‍රී ලංකා විදුලි සංදේශ නියාමන කොමිෂන් සභාව (TRCSL) විසින් පියවර ගෙන තිබේ.

ඒ අනුව, මුදල්, ක්‍රම සම්පාදන සහ ආර්ථික සංවර්ධන අමාත්‍යාංශය යටතේ ක්‍රියාත්මක වන සූදු ක්‍රීඩා නියාමන අධිකාරිය විසින් 2025 අංක 17 දරන සූදු ක්‍රීඩා නියාමන අධිකාරී පනතේ ප්‍රතිපාදන සහ බලතල ප්‍රකාරව කරන ලද දැනුම් දීමකට අනුව මෙම නියාමන පියවර ගෙන ඇති බව සඳහන් වේ.

සූදු ක්‍රීඩා නියාමන අධිකාරී පනතේ 15, 16 සහ 18 වගන්ති යටතේ නියමිත වලංගු බලපත්‍ර ලබා ගැනීමකින් තොරව ශ්‍රී ලංකාව තුළ අන්තර්ජාල සූදු සේවාවන් පවත්වාගෙන යාම සහ ප්‍රවර්ධනය කිරීම පනතේ 44 වගන්තිය ප්‍රකාරව වරදක් මෙන්ම නීතිවිරෝධී ක්‍රියාවක් වේ.

ශ්‍රී ලංකාවේ නීතිමය රාමුවට පටහැනිව ක්‍රියාත්මක වන මෙවැනි අවසර නොලද අන්තර්ජාල සූදු වේදිකාවල නිරත වීමෙන් සහ මුදල් ආයෝජනය කිරීමෙන් වළකින ලෙසට ඩිජිටල් ආර්ථික අමාත්‍යාංශය සහ ශ්‍රී ලංකා විදුලි සංදේශ නියාමන කොමිෂන් සභාව විසින් මහජනතාවගෙන් ඉල්ලා සිටි.

අදාළ නිවේදනය පහතින් දැක්වේ.

The post අන්තර්ජාල සූදු වෙබ් අඩවි 122 ක් තහනම් කර ඇත appeared first on Govdoc Blog.

ප්‍රවීණතා සහතික වර්ග:

(අ) ආධුනික ගුවන් විදුලි ක්‍රියාකරවන්නෙකුගේ උසස් පන්තියේ ප්‍රවීණතා සහතිකය,

(ආ) ආධුනික ගුවන් විදුලි ක්‍රියාකරවන්නෙකුගේ සාමාන්‍ය පන්තියේ ප්‍රවීණතා සහතිකය,

(ඇ) ආධුනික ගුවන් විදුලි ක්‍රියාකරවන්නෙකුගේ නවක පන්තියේ ප්‍රවීණතා සහතිකය.

මෙම ප්‍රවීණතා සහතිකය සඳහා වූ විභාගය වර්ෂ 2025 පෙබරවාරි මස පවත්වනු ලැබේ.

Gazette Advertisement – Examination for Telecommunications Regulatory Commission of Sri Lanka

For more details – Gazette (04.10.2024)

The post ආධුනික ගුවන් විදුලි ක්‍රියා කරවන්නන්ගේ ප්‍රවීණතා සහතික පරීක්ෂණය – ශ්‍රී ලංකා විදුලි සංදේශ නියාමන කොමිෂන් සභාව appeared first on Govdoc Blog.