ඒ අනුව, වී, බඩ ඉරිඟු, අර්තාපල්, මිරිස්, ලොකුලුණු සහ සෝයා බෝංචි යන බෝග වර්ග 6 සඳහා මෙම වන්දි මුදල ලබා දෙන බව රජය පැවසීය.

රජය සඳහන් කළේ, පසුගිය දිනවල පැවති අයහපත් කාලගුණික තත්ත්වය හේතුවෙන් බොහෝ දිස්ත්‍රික්කවල නිවාස, මහා මාර්ග, කුඹුරු හා වගා භූමි ජලයෙන් යටවීමත්, වැව් අමුණු හා ඇළවේලි විශාල ප්‍රමාණයක් කැඩී යාමත් හේතුවෙන් මහ ජනතාවට විවිධ අපහසුතාවයන්ට මුහුණ පෑමට සිදු වූ බව ය.

ගොවිජන සංවර්ධන දෙපාර්තමේන්තුවේ දත්තවලට අනුව 2024.12.02 දින වනවිට දිවයින පුරා දළ වශයෙන් කුඹුරු අක්කර 86,225ක් පමණ අර්ධ හානියට ලක්ව ඇති බව ත් ඊට අමතරව සුළු වාරිමාර්ග 173ක් පුර්ණ වශයෙන් විනාශ වී ඇති අතර 1,148කට අර්ධ වශයෙන් හානි සිදු වී ඇති බව ත් රජය පැවසීය.

එසේ ම, නුවරඑළිය දිස්ත්‍රික්කයේ පමණක් එළවළු වගා අක්කර 750ක් පමණ විනාශ වී ඇති බවට වාර්තා වී තිබේ.

තව ද, හානියට පත් කුඹුරුවල නැවත මාස 2 1/2 හෝ මාස 3කට ‘වී’ ප්‍රභේදයන් හෝ සුදුසු කෙටිකාලීන බෝගයන් වගා කිරීම සඳහා අවශ්‍ය බිත්තර වී සහ බීජ සපයා දීමට කෘෂිකර්ම දෙපාර්තමේන්තුව කටයුතු කරමින් පවතින බව රජය පැවසීය.

පවතින වගා රක්ෂණ යෝජනා ක්‍රමය යටතේ වී වගාව සඳහා උපරිම වශයෙන් හෙක්ටයාර 2ක් (අක්කර 5ක්) දක්වා අක්කරයකට උපරිම වශයෙන් රුපියල් 40,000ක හානි පුර්ණයක් ලබා දෙයි.

බඩ ඉරිඟු, අර්තාපල්, මිරිස්, ලොකුලුණු සහ සෝයා බෝංචි යන බෝග වර්ග 5 සඳහා උපරිම වශයෙන් හෙක්ටයාර 1ක් (අක්කර 2.5) දක්වා අක්කරයකට උපරිම වශයෙන් රුපියල් 40,000ක හානි පුර්ණයක් 2025 වර්ෂය සඳහා කෘෂිකර්ම හා ගොවිජන රක්ෂණ මණ්ඩලය වෙත වෙන් කරනු ලබන ප්‍රතිපාදනවලින් ලබා දීමට ඉදිරියේදී කටයුතු සිදු කරන බව රජය පැවසීය.

කෘෂිකර්ම, පශු සම්පත්, ඉඩම් සහ වාර්මාර්ග අමාත්‍ය ලාල්කාන්ත විසින් මෙම යෝජනාව අමාත්‍ය මණ්ඩලයට ඉදිරිපත් කරනු ලැබ තිබේ.

The post අයහපත් කාලගුණය හේතුවෙන් හානි වූ බෝග 6කට රජයෙන් වන්දි appeared first on Govdoc Blog.

සබරගමුව පළාතේත්, ගාල්ල සහ මාතර දිස්ත්‍රික්කවලත් ඇතැම් ප්‍රදේශවලට මි.මී. 75 ක පමණ තරමක තද වැසි ඇතිවිය හැකි බවයි එම දෙපාර්තමේන්තුව සඳහන් කළේ.

නැගෙනහිර සහ ඌව පළාත්වල සවස් කාලයේ හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවීමේ හැකියාව පවතිනවා.

මධ්‍යම කඳුකරයේ බටහිර බෑවුම් ප්‍රදේශවල සහ උතුරු, උතුරු මැද සහ වයඹ පළාත්වලත්, හම්බන්තොට සහ ත්‍රිකුණාමලය දිස්ත්‍රික්කවලත් විටින් විට හමන පැ.කි.මී. 40 – 50 ක පමණ තද සුළං ඇතිවිය හැකි බවද සඳහන්.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටිනවා.

The post අද කාලගුණ නිවේදනය appeared first on Govdoc Blog.

බස්නාහිර සහ සබරගමුව පළාත්වලත් ගාල්ල, මාතර, නුවරඑළිය සහ පුත්තලම දිස්ත්‍රික්කවලත් ඇතැම් ප්‍රදේශවලට මි.මී. 50ට වැඩි තරමක තද වැසි ඇතිවිය හැකි අතර, උතුරු, නැගෙනහිර සහ ඌව පළාත්වල සවස් කාලයේ හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකියි.

මධ්‍යම කඳුකරයේ බටහිර බැවුම් ප්‍රදේශවල සහ උතුරු, උතුරු මැද සහ වයඹ පළාත්වලත්, හම්බන්තොට සහ ත්‍රිකුණාමලය දිස්ත්‍රික්කවලත් විටින් විට පැ.කි.මී. 40-50ක පමණ තද සුළං ඇතිවිය හැකි බවද එම දෙපාර්තමේන්තුව පවසනවා.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ වි​ද්‍යා දෙපාර්තමේන්තුව ජනතාවට දන්වා සිටිනවා.

The post අද කාලගුණ නිවේදනය appeared first on Govdoc Blog.

ඒ අනුව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් 2024.06.06 මේ බව සඳහන් කළා.

The post ගංවතුරට හසුවූ නිවාස පිරිසිඳු කරගැනීමට රජයෙන් රු 10,000 ක් ලබාදීමට තීරණයක්. appeared first on Govdoc Blog.

• පවතින අයහපත් කාලගුණික තත්ත්වය හේතුවෙන් පළාත් කිහිපයක පාසල් තවදුරටත් වසා තැබීමට අධ්‍යාපන බලධාරීන් තීරණය කර තිබේ.
• ඒ අනුව, සබරගමුව පළාතේ රත්නපුර සහ කෑගල්ල දිස්ත්‍රික්කයේ පාසල් හෙට (ජූනි 4) දිනයේ වසා තැබීමට තීරණය කර ඇත.
• ඊට අමතරව දකුණු පළාතේ ගාල්ල සහ මාතර දිස්ත්‍රික්කවල පාසල් හෙට සහ අනිද්දා (ජූනි 5) යන දෙදින තුළ වසා තැබීමට තීරණය කර තිබේ.
• තව ද බස්නාහිර පළාතේ කළුතර සහ කොළඹ දිස්ත්‍රික්කයේ හෝමාගම කලාපයේ පාසල් ද හෙට (ජූනි 4) දිනයේ වසා තැබෙනු ඇත.
• අධ්‍යාපන අමාත්‍යංශය සඳහන් කළේ, දිවයිනේ සෙසු පළාත්වල හා කලාපවල පාසල් සාමාන්‍ය පරිදි හෙට දිනයේදී පැවැත්වීමට තීරණය කර ඇති බව ය.
• ඉදිරි දිනවලදී පවතින කාලගුණ තත්ත්වය මත ඒ ඒ බලධාරීන් විසින් ඉදිරි දිනවල පාසල් පැවැත්වීම සම්බන්ධයෙන් තීරණය කරනු ඇතැයි අධ්‍යාපන අමාත්‍යංශය වැඩිදුරටත් සඳහන් කළේ ය.

The post දිස්ත්‍රික්ක කිහිපයක රජයේ පාසල් හෙටත් වැසෙයි appeared first on Govdoc Blog.

ඒ අනුව දිවයින වටා මුහුදු ප්‍රදේශවල සුළඟේ වේගය විටින් විට පැ.කි.මී 60 – 70ත් දක්වා වැඩි වන අතර එම ප්‍රදේශව​ල මුහුද ඉතා රළු වන බවයි එම දෙපාර්තමේන්තුව සඳහන් කළේ.

කල්පිටිය සිට කොළඹ, ගාල්ල සහ හම්බන්තොට හරහා පොතුවිල් දක්වා වන වෙරළට ඔබ්බෙන් වෙන මුහුදු ප්‍රදේශවල මුහුදු රළ උස මීටර් 2.5 – 3 දක්වා ඉහළ යා හැකි බවද සඳහන්.

අදාළ නිවේදනය පහතින්,

The post තද සුළං සහ රළු මුහුද පිළිබඳ​ව කාලගුණයෙන් අනතුරු ඇඟවීමක් appeared first on Govdoc Blog.

බස්නාහිර, සබරගමුව, මධ්‍යම, වයඹ සහ දකුණු පළාත්වල විටින් විට වැසි හෝ ගිගුරුම් සහිත වැසි ඇති වන අතර, සබරගමුව පළා‍‍තේ සහ නුවරඑළිය දිස්ත්‍රික්කයේ ඇතැම් ස්ථානවල මි.මී. 100 ට වැඩි තද වැසි ඇතිවිය හැකි බවයි සඳහන් වන්නේ.

බස්නාහිර සහ වයඹ පළාත්වලත් මහනුවර, ගාල්ල සහ මාතර දිස්ත්‍රික්කවලත් ඇතැම් ස්ථානවල මි.මී. 75ක පමණ තරමක තද වැසි ඇතිවිය හැකි බවද, උතුරු සහ උතුරු මැද පළාත්වල වැසි වාර කිහිපයක් ඇතිවිය හැකි බවද දැනුම් දී තිබෙනවා.

මධ්‍යම කඳුකරයේ බටහිර බැවුම් ප්‍රදේශවල සහ උතුරු, උතුරු මැද, බස්නාහිර, දකුණු සහ වයඹ පළාත්වලත්, ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. 50-60 ක පමණ තද සුළං ඇතිවිය හැකි බවත්, දිවයිනේ සෙසු ප්‍රදේශවල විටින් විට හමන පැ.කි.මී. 30-40 ක පමණ තරමක තද සුළං ඇතිවිය හැකි බවත් එම දෙපාර්තමේන්තුව වැඩිදුරටත් දැනුම් දෙනවා.

The post අද කාලගුණ නිවේදනය appeared first on Govdoc Blog.

ඒ අනුව බස්නාහිර, සබරගමුව, වයඹ පළාත් සහ ගාල්ල, මාතර, මහනුවර, නුවරඑළිය සහ මන්නාරම දිස්ත්‍රික්ක සඳහා අදාළ නිවේදනය බලපැවැත්වෙන බවයි සඳහන් වෙන්නේ.

නිරිත දිග මෝසම් තත්ත්වය දිවයින හරහා ක්‍රමයෙන් ස්ථාපිත වෙමින් පැවතීම හේතුවෙන් පවතින වැසි සහ සුළං තත්ත්වය තවදුරටත් බලාපොරොත්තු විය හැකි බවද සඳහන්.

බස්නාහිර සහ වයඹ පළාත්වල ඇතැම් ස්ථානවල මි.මී 150ට වැඩි ඉතා තද වැසි ඇති විය හැකි අතර සබරගමුව පළාතේත් ගාල්ල, මාතර, මහනුවර, නුවරඑළිය සහ මන්නාරම දිස්ත්‍රික්කවලත් ඇතැම් ස්ථානවලට මි.මී 100ට වැඩි තද වැසි ඇති විය හැකියි.

අදාළ නිවේදනය පහතින්.‍

The post තද වැසි පිළිබඳ අනතුරු ඇඟවීමේ රතු නිවේදනයක් appeared first on Govdoc Blog.

දිවයිනේ බොහෝ පළාත්වල ප.ව. 1.00 න් පමණ පසු තැනින් තැන වැසි හෝ ගිගුරුම් සහිත වැසි ඇතිවිය හැකි බවයි එම දෙපාර්තමේන්තුව සඳහන් කළේ.

බස්නාහිර, මධ්‍යම, සබරගමුව සහ ඌව පළාත්වල ඇතැම් ස්ථානවල මි.මී.100 ක පමණ තද වැසි ඇතිවිය හැකි අතර බස්නාහිර, දකුණු සහ නැගෙනහිර වෙරළබඩ ප්‍රදේශවල උදෑසන කාලයේදීත් වැසි ඇතිවිය හැකියි.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටිනවා.

The post අද කාලගුණ නිවේදනය appeared first on Govdoc Blog.

පවතින තත්ත්වය හමුවේ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ප්‍රදේශවාසීන්ගෙන් ඉල්ලා සිටියි.

ගිගුරුම් සහිත වැසි ඇති වන විට ගෘහස්ථව නවාතැන් ගැනීමට, ගස් යට ප්‍රදේශවලින් සහ කුඹුරු සහ තේ වතු වැනි විවෘත අවකාශයන්ගෙන් වැළකී සිටින ලෙස මහජනතාවට උපදෙස් දෙනු ලැබේ.

ඊට අමතරව, කුණාටුව අතරතුර රැහැන්ගත දුරකථන සහ සම්බන්ධිත විදුලි උපකරණ භාවිතා කිරීමට එරෙහිව පුද්ගලයින්ට අවවාද කරනු ලැබේ.

තාවකාලික ප්‍රදේශයේ තද සුළං අනතුරු ඇති කළ හැකි බැවින් බයිසිකල්, ට්‍රැක්ටර් සහ බෝට්ටු වැනි විවෘත වාහන භාවිත කිරීමෙන් වළකින ලෙස ද රියදුරන්ට උපදෙස් දෙනු ලැබේ. දැඩි ගිගුරුම් සහිත වැසි ඇති වන විට ගස් කඩා වැටීම් සහ විදුලි රැහැන් ද විභව අවදානම් වේ.

හදිසි ආධාර සඳහා, ප්‍රාදේශීය ආපදා කළමනාකරණ බලධාරීන් සම්බන්ධ කර ගැනීමට නිවැසියන් උනන්දු කරනු ලැබේ.

The post අද දිනයේ ප්‍රබල අකුණු ඇතිවිය හැකි බවට ජනතාවට අනතුරු අඟවා ඇත. appeared first on Govdoc Blog.

අද (07) ප.ව. 2.00 න් පමණ පසු බස්නාහිර, සබරගමුව, මධ්‍යම, වයඹ, ඌව සහ නැගෙනහිර පළාත්වලත් ගාල්ල සහ මාතර දිස්ත්‍රික්කවලත් තැනින් තැන වැසි හෝ ගිගුරුම් සහිත වැසි ඇතිවිය හැකි බවයි එම දෙපාර්තමේන්තුව සඳහන් කළේ.

සෙසු ප්‍රදේශවල සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි අතර පුත්තලම සිට කොළඹ සහ ගාල්ල හරහා හම්බන්තොට දක්වා වෙරළබඩ ප්‍රදේශවල උදෑසන කාලයේදීත් වැසි ඇතිවිය හැකියි.

බස්නාහිර, සබරගමුව සහ ඌව පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවල මි.මී. 50 පමණ තරමක තද වැසි ඇතිවිය හැකි අතර මධ්‍යම සහ සබරගමුව පළාත්වල ඇතැම් ස්ථානවල උදෑසන කාලයේදී මීදුම් සහිත තත්ත්වයක් පැවතීමේ හැකියාව පවතිනවා.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටිනවා.

The post අද කාලගුණ නිවේදනය appeared first on Govdoc Blog.

• පවතින උණුසුම් කාලගුණ තත්ත්වයත් සමඟ දිවයිනේ දිස්ත්‍රික් කිහිපයක් සඳහා කාලගුණ විද්‍යා දෙපාර්තමේන්තුව විසින් අවවාදාත්මක නිවේදනයක් නිකුත් කර තිබෙනවා.
• වයඹ පළාත සහ ගම්පහ, කොළඹ, හම්බන්තොට, මොණරාගල යන දිස්ත්‍රික්කවල අද (22) දිනයේ උණුසුම් දර්ශකය ඉහළ අගයක් ගනු ඇති බවයි එම දෙපාර්තමේන්තුව සඳහන් කළේ.
• මේ සම්බන්ධයෙන් ජනතාව අවධානය යොමු කළ යුතු බව කාලගුණ විද්‍යා දෙපාර්තමේන්තුව වැඩිදුරටත් සඳහන් කරනවා.

The post උණුසුම් කාලගුණය සම්බන්ධයෙන් දිස්ත්‍රික් කිහිපයක් දැනුවත් කිරීමක්. appeared first on Govdoc Blog.