QR කේතය පරිස්සම් කර ගන්න

ජාතික ඉන්ධන බලපත්‍රයට අදාල QR කේතය සෙසු පුද්ගලයන්ට පෙනෙන සේ ප්‍රදර්ශනය නොකළ යුතු බවත් වෙනත් පුද්ගලයකු එය නීති විරෝධී ලෙස භාවිතා නොකරන බවට වගබලා ගැනීම සඳහා එය ආරක්ෂා කළ යුතු බවත් විදුලි බල හා බලශක්ති අමාත්‍ය කංචන විජේසේකර මහතා පැවසීය.

QR කේතය පිළිබඳව ගැටලුවක් ඇති වුවහොත් වර්තමාන QR කේතය ඉවත්කර නැවත ලියාපදිංචි විය හැකි බවත් අමාත්‍යවරයා වැඩිදුරටත් කීය.

අවශ්‍යතාවය අනුව තමන්ට හිමි QR කේතය අවලංගු කර යළි නව QR කේතයක් ඉල්ලුම් කිරීමේ හැකියාව මේ වනවිට සපයා ඇති බවයි බලශක්ති අමාත්‍ය කංචන විජේසේකර වැඩිදුරටත් සඳහන් කරන්නේ.