අයදුම්කරුවන්ගේ තොරතුරු යාවත්කාලීන කිරීමෙන් අනතුරුව, ‘අස්වැසුම’ සුබසාධන ප්‍රතිලාභ වැඩසටහන යටතේ සුදුසුකම් ලත් ප්‍රතිලාභීන්ගේ පළමු ලැයිස්තුව සුබසාධන ප්‍රතිලාභ මණ්ඩලය (WBB) විසින් නිකුත් කර ඇත.

2026 ඔක්තෝබර් 28 දිනැති නිල නිවේදනයට අනුව, මෙම පළමු ලැයිස්තුව සකස් කර ඇත්තේ 2026 ඔක්තෝබර් 27 දක්වා යාවත්කාලීන කරන ලද තොරතුරු පදනම් කරගනිමිනි.

‘අස්වැසුම’ සුදුසුකම් ලත් ප්‍රතිලාභීන්ගේ ලැයිස්තුව – 2026

• පළමු ලැයිස්තුවට පහත සඳහන් කාණ්ඩ දෙක යටතේ සුදුසුකම් ලත් ප්‍රතිලාභීන් 991,800 දෙනෙකු ඇතුළත් වේ.

පළමු ලැයිස්තුවට අනුව, පවුල් 1,391,830ක් ‘අස්වැසුම’ ප්‍රතිලාභ සඳහා සුදුසුකම් නොලබයි.

‘අස්වැසුම’ නාම ලේඛනය පරීක්ෂා කරන්නේ කෙසේද?
සුදුසුකම් ලත් ප්‍රතිලාභීන්ගේ ලැයිස්තුව පහත ස්ථානවලින් ලබා ගත හැක:

• ප්‍රාදේශීය ලේකම් කාර්යාලවල දැන්වීම් පුවරු.
• ග්‍රාම නිලධාරී කාර්යාලවල දැන්වීම් පුවරු.
• සුබසාධක ප්‍රතිලාභ මණ්ඩලයේ නිල වෙබ් අඩවිය: www.wbb.gov.lk හෝ මෙතැන ක්ලික් කරන්න.

‘අස්වැසුම’ අභියාචනා සහ විරෝධතා – 2026

ප්‍රකාශයට පත් කර ඇති ලැයිස්තුව සම්බන්ධයෙන් අභියාචනා හෝ මහජන විරෝධතා ඉදිරිපත් කිරීමට අපේක්ෂා කරන අයදුම්කරුවන්ට, පහත සඳහන් කාලසීමාව තුළ එසේ කළ හැකිය.

• ආරම්භක දිනය: 2026 ඔක්තෝබර් 29
• අවසන් දිනය: 2026 නොවැම්බර් 11

අභියාචනා සහ විරෝධතා ඉදිරිපත් කරන ආකාරය

• මාර්ගගතව (Online): අභියාචනා හෝ විරෝධතා මාර්ගගතව ඉදිරිපත් කිරීම සඳහා https://eservices.wbb.gov.lk වෙත පිවිසෙන්න.
• අයදුම්පත්: අදාළ අයදුම්පත් www.wbb.gov.lk වෙබ් අඩවියෙන් බාගත කරගන්න, නැතහොත් අදාළ ප්‍රාදේශීය ලේකම් කාර්යාලයේ පිහිටි සුබසාධක ප්‍රතිලාභ තොරතුරු ඒකකයෙන් ලබා ගන්න.
• එක් අභියාචකයෙකුට ඉදිරිපත් කළ හැක්කේ එක් අභියාචනයක් පමණි. මහජන විරෝධතා අනන්‍යතාව හෙළි නොකර (නිර්නාමිකව) ද ඉදිරිපත් කළ හැකිය.

අලුතින් සුදුසුකම් ලැබූ ප්‍රතිලාභීන් සඳහා ‘අස්වැසුම’ ගෙවීම්

නිවේදනයට අනුව, අලුතින් සුදුසුකම් ලැබූ ප්‍රතිලාභීන් සඳහා පහත විධිවිධාන සලසා ඇත:

• ගෙවීම් දිනය: 2026 නොවැම්බර් 27
• බැංකු ගිණුම් විවෘත කිරීම සඳහා වන ලිපි: 2026 නොවැම්බර් 12 සිට
• ගෙවීම් ක්‍රමය: ප්‍රතිලාභ ගෙවනු ලබන්නේ ‘අස්වැසුම’ බැංකු ගිණුමකට පමණි.

ඊළඟ ‘අස්වැසුම’ නාම ලේඛනය – 2026

සුබසාධක ප්‍රතිලාභ මණ්ඩලය විසින්, අලුතින් සුදුසුකම් ලැබූ ප්‍රතිලාභීන්ගේ දෙවන නාම ලේඛනය 2026 දෙසැම්බර් මාසයේදී ප්‍රකාශයට පත් කිරීමට අපේක්ෂා කෙරේ. මෙම ලේඛනය සකස් කෙරෙන්නේ තවත් පවුල් 740,127ක් සඳහා යාවත්කාලීන කරන ලද තොරතුරු පදනම් කරගනිමිනි.

The post 2026 ‘අස්වැසුම’ නාම ලේඛනය නිකුත් කර ඇත appeared first on Govdoc Blog.

ශ්‍රී ලංකා මහ බැංකුව විසින් 1988 අංක 30 දරන බැංකු පනතේ (සංශෝධිත) 83(ඇ) වගන්තිය යටතේ සමාගම්, ජංගම දුරකථන යෙදුම් (Apps) සහ ඊට සම්බන්ධ ආයතන 27ක් තහනම් පිරමීඩ යෝජනා ක්‍රම ලෙස ප්‍රකාශයට පත් කර තිබේ.

මහ බැංකුව විසින් මහජනතාව දැනුවත් කිරීම සඳහා නිකුත් කරන ලද නිවේදනයක දැක්වෙන්නේ, පුළුල් විමර්ශනයකින් අනතුරුව ‘මැක්ස් ඇප් මීඩියා’ (Max App Media Ltd.) සමාගම, එහි අනුබද්ධිත ‘මැක්ස් එල්කේ’ (Max LK (Pvt) Ltd.) සහ ‘මැක්ස් මීඩියා ලංකා’ (Max Media Lanka (Pvt) Ltd.) යන සමාගම් විසින් තහනම් පිරමීඩ ජාවාරමක් පවත්වාගෙන ගොස් ඇති බවට තහවුරු වී ඇති බවයි.

ඒ අනුව, ඉහත සඳහන් කළ නීතිමය විධිවිධාන යටතේ තවත් සමාගම්, යෙදුම් සහ ආයතන රැසක් ද තහනම් පිරමීඩ යෝජනා ක්‍රම ලෙස හඳුනාගෙන ඇති බව මහ බැංකුව වැඩිදුරටත් සදහන් කර ඇත.

1. Tiens Lanka Health Care (Pvt) Ltd
2. Best Life International (Pvt) Ltd
3. Mark – Wo International (Pvt) Ltd
4. V M L International (Pvt) Ltd
5. Global Lifestyle Lanka (Pvt) Ltd
6. Fast3Cycle International (Pvt) Ltd
7. Sport Chain app, Sport Chain zs society Sri Lanka
8. OnmaxDT
9. MTFE App, MTFE SL Group, MTFE Success Lanka, MTFE DSCC Group
10. Fastwin (Pvt) Ltd
11. Fruugo Oline App/ Fruugo Oline (Pvt) Ltd
12. Ride to Three Freedom (Pvt) Ltd
13. Qnet/ Questnet
14. Era Miracle (Pvt) Ltd. And Genesis Business School
15. Ledger Block
16. Isimaga International (Pvt) Ltd
17. Beecoin App and Sunbird Foundation
18. Windex Trading
19. The Enrich Life (Pvt) Ltd
20. Smart Win Entrepreneur (Pvt) Ltd
21. Net Fore International (Pvt) Ltd./ Netrrix
22. Pro Care (Pvt) Ltd., Shade of Procare (Pvt) Ltd
23. SGO/sgomine.com
24. I.C.A.N Advertising (Pvt) Ltd සහ ඊට අනුබද්ධිත icanonlineadvertising.com / bannercuts.com / bannercuts.lk / bannercuts.net / bannercuts.org
25. Infinity Rover (Pvt) Ltd
26. TM App
27.  Max App Media Ltd. සහ ඊට අනුබද්ධිත Max LK (Pvt) Ltd., Max Media Lanka (Pvt) Ltd.

The post මහ බැංකුවෙන් තවත් තහනම් පිරමීඩ ජාවාරම් 27ක් නම් කෙරේ appeared first on Govdoc Blog.

ඇපල් සමාගම විසින් අලුතින්ම වෙ‍ළෙඳපොළට නිකුත් කරන ලද ඇපල් සමාගමේ පළමු නම්‍යශීලී දුරකථනය වන iPhone Duo දුරකථන මාදිලියෙහි ඇතැම් තිරවල දෝෂ පවතින බවට තහවුරු වී තිබේ. ඒ අනුව, එම දෝෂ සහිත දුරකථන වෙනුවට අලුත් දුරකථන ලබාදීමට පියවර ගන්නා බව ඇපල් සමාගම සඳහන් කර ඇත.

පසුගිය සතියේ වෙ‍ළෙඳපොළට නිකුත් කළ iPhone Duo දුරකථන මාදිලිය මිනිත්තු කිහිපයක් ඇතුළත අන්තර්ජාලය ඔස්සේ විකිණී අවසන් වූ අතර ලොව පුරා පාරිභෝගිකයින් රැසක් මේ සඳහා දැඩි උනන්දුවක් දැක්වීය. පොතක් මෙන් නැමිය හැකිවන පරිදි සංකීර්ණ ලෙස නිර්මාණය කර ඇති මෙම දුරකථන මාදිලියේ නිෂ්පාදන ක්‍රියාවලියේ පවතින සංකීර්ණතාව නිසා සැපයුම් සීමා සහිත වනු ඇති බව විශ්ලේෂකයෝ පවසති. කෙසේ වෙතත්, සති අන්තයේ සමාජ මාධ්‍ය ඔස්සේ ඇතැම් පාරිභෝගිකයින් පෙන්වා දුන්නේ මෙම දුරකථනය නැමෙන මැද ස්ථානය ආශ්‍රිත ඇතුළු තිරයේ පැලුම් සහ රේඛා මතුවන බවයි.

මේ සම්බන්ධයෙන් ප්‍රකාශයක් නිකුත් කරමින් ඇපල් සමාගම පවසා ඇත්තේ, අතළොස්සක් වූ iPhone Duo මාදිලියේ ඇතුළු තිරයේ මෙම ගැටලුව පවතින බවත්, යම් හෙයකින් පාරිභෝගිකයෙකුට මෙවැනි ගැටලුවකට මුහුණදීමට සිදු වුවහොත් ඇපල්කෙයාර් (AppleCare) හරහා දුරකථනය මාරුකර ගැනීමට කටයුතු කරන ලෙසත්ය. තාක්ෂණික අලුත්වැඩියා ආයතනයක් වන iFixit ආයතනය විසින් සිදුකළ පරීක්ෂණවලට අනුව, තිරයට යටින් දිවෙන කේබලයක් සහ මධ්‍යම ආධාරක තීරුව ආසන්නයේ මෙම දෝෂ හටගන්නා බව සොයාගෙන ඇත. දුරකථනය නමන අවස්ථාවේදී එම ආධාරක තීරුව නිසිලෙස ඉවත්නොවීම නිසා තිරය මත ඇතිවන අධික තදබදය මෙම බිඳීමට හේතු විය හැකි බව ඔවුන් පෙන්වා දෙයි.

කෙසේ වෙතත්, මෙම තත්ත්වය හමුවේ ඇපල් සමාගම වහාම ක්‍රියාත්මක වී දෝෂ සහිත දුරකථන මාරුකර දීමට පියවර ගැනීම ඉතා යහපත් සහ නිවැරදි ප්‍රවේශයක් බව වෙ‍ළෙඳපොළ පර්යේෂණ ආයතනයක් වන IDC හි උප සභාපති ෆ්‍රැන්සිස්කෝ ජෙරෝනිමෝ (Francisco Jeronimo) සඳහන් කළේය.

The post තිරයේ දෝෂ සහිත iPhone Duo දුරකථන නොමිලේ මාරු කරදීමට ඇපල් සමාගමෙන් තීරණයක් appeared first on Govdoc Blog.

පවතින අයහපත් කාලගුණ තත්ත්වය, ආරක්ෂිත පියවරක් ලෙස හෙට දින (27) දිවයිනේ සියලුම පාසල් වසා තැබීමට තීරණය කර ඇත.කෙසේ වෙතත්, අ.පො.ස (සාමාන්‍ය පෙළ) විභාගයේ සෞන්දර්ය විෂය ප්‍රශ්න පරීක්ෂණ පෙර සැලසුම් කර දැනට පවතින අධ්‍යාපන අමාත්‍යාංශය සඳහන් කරන්නේ.

The post පවතින අයහපත් කාලගුණ තත්ත්වය හේතුවෙන් හෙට දිවයිනේ සියලුම පාසල් වසා දැමීමට තීරණය කරයි appeared first on Govdoc Blog.

ශ්‍රී ලංකා මහජන උපයෝගිතා කොමිෂන් සභාව (PUCSL) විසින් 2026 ඔක්තෝබර් 19 සිට ඔක්තෝබර් 21 දක්වා දින තුනක කාලයක් සඳහා පැයක විදුලි කප්පාදුවක් සිදු කිරීමට අනුමැතිය ලබා දී ඇත.මේ සඳහා රට කණ්ඩායම් හතරකට බෙදා ඇති අතර, අනුමත විදුලි ඉල්ලුම කළමනාකරණ කාලසටහනට අනුව එක් එක් කණ්ඩායම සඳහා පැයක විදුලි කප්පාදුවක් ක්‍රියාත්මක වනු ඇත. පාරිභෝගිකයින්ට පහත කාලසටහන පරීක්ෂා කර, අදාළ කණ්ඩායම් ලැයිස්තුව බාගත කිරීම මගින් එක් එක් විදුලි කප්පාදු කණ්ඩායමට අයත් ප්‍රදේශ හඳුනාගත හැකිය.

විදුලි කප්පාදු කාලසටහන – 2026 ඔක්තෝබර් 19

විදුලි කප්පාදු කාලසටහන – 2026 ඔක්තෝබර් 20

විදුලි කප්පාදු කාලසටහන – 2026 ඔක්තෝබර් 21

The post ඔක්තෝබර් විදුලි කප්පාදු කිරීමේ කාලසටහන appeared first on Govdoc Blog.

අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍යාංශය විසින්, 2026 සැප්තැම්බර් 21 දිනැති අංක 2507/02 දරන අතිවිශේෂ ගැසට් පත්‍රය මගින් ශ්‍රී ලංකා ගුරු සේවයේ (SLTS) සේවා ව්‍යවස්ථාවට අදාළ 05 වන සංශෝධනය නිකුත් කර ඇත.මුලින් 2014 ඔක්තෝබර් 23 දිනැති අංක 1885/38 දරන අතිවිශේෂ ගැසට් පත්‍රයේ පළ කරන ලද ශ්‍රී ලංකා ගුරු සේවයේ සේවා ව්‍යවස්ථාව, මෙම ගැසට් නිවේදනයේ දක්වා ඇති පරිදි තවදුරටත් සංශෝධනය කර ඇත. එම සේවා ව්‍යවස්ථාවේ සඳහන් අනෙකුත් නියමයන් සහ කො

අතිවිශේෂ ගැසට් පත්‍ර විස්තර

• ගැසට් පත්‍රය: අතිවිශේෂ ගැසට් පත්‍ර අංක 2507/02
• දිනය: 2026 සැප්තැම්බර් 21
• නිකුත් කළ ආයතනය: අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශය
• විෂය: ශ්‍රී ලංකා ගුරු සේවයේ සේවා ව්‍යවස්ථාව – 05 වැනි සංශෝධනය

සංශෝධනය අංක 05 – අධ්‍යාපනවේදී (BEd) උපාධිධාරියා

මෙම 05 වැනි සංශෝධනය මගින් අධ්‍යාපනවේදී උපාධිධාරීන් සඳහා වන නිර්ණායක හඳුන්වා දෙනු ලබන අතර, ඊට උපාධියේ කාලසීමාව, අවම ක්‍රෙඩිට් (credits) ප්‍රමාණය, ප්‍රායෝගික ඉගැන්වීමේ පුහුණුව සහ පර්යේෂණ නිබන්ධනය/වාර්තාවට අදාළ අවශ්‍යතා ඇතුළත් වේ.

The post ශ්‍රී ලංකා ගුරු සේවයේ සේවා ව්‍යවස්ථා සංශෝධනය අංක 05 – 2026 නිකුත් කර ඇත appeared first on Govdoc Blog.

2027 එක්සත් රාජධානියේ Commonwealth ශිෂ්‍යත්ව වැඩසටහන යටතේ පිරිනමනු ලබන පශ්චාත් උපාධි ශිෂ්‍යත්ව සඳහා සුදුසුකම් ලත් ශ්‍රී ලාංකිකයින්ගෙන් අයදුම්පත් කැඳවනු ලැබේ.

ශිෂ්‍යත්ව සංඛ්‍යාව: 16

• පශ්චාත් උපාධි (Master’s) – 10
• ආචාර්ය උපාධි (PhD) – 06

මෙම ශිෂ්‍යත්ව සංවර්ධන තේමා 6ක් යටතේ පිරිනමනු ලබයි. සියලුම අපේක්ෂකයින් පහත සඳහන් තේමා අතරින් එක් තේමාවක් යටතේ අයදුම් කළ යුතුය.

• සංවර්ධනය සඳහා විද්‍යාව හා තාක්ෂණය (Science and Technology for development)
• ජනගහන සෞඛ්‍යය, සෞඛ්‍ය පද්ධති සහ ධාරිතාව වැඩිදියුණු කිරීම (Improving Population Health, Health Systems and Capacity)
• නවෝත්පාදන සහ ව්‍යවසායකත්වය ප්‍රවර්ධනය කිරීම (Promoting Innovation and Entrepreneurship)
• සාමය, ආරක්ෂාව සහ යහපාලනය ශක්තිමත් කිරීම (Strengthening peace, security and governance)
• අර්බුද සඳහා ඔරොත්තු දීමේ හැකියාව සහ ප්‍රතිචාර දැක්වීම ශක්තිමත් කිරීම (Strengthening resilience and response to crises)
• ප්‍රවේශය, ඇතුළත්භාවය සහ අවස්ථා පුළුල් කිරීම(Access, inclusion and opportunity)

සුදුසුකම් අවශ්‍යතා

• සියලුම අයදුම්කරුවන් ශ්‍රී ලංකාවේ පුරවැසියන් විය යුතුය.
• යහපත් සෞඛ්‍ය තත්ත්වයකින් සිටිය යුතු අතර, අධ්‍යයන කාලය තුළ එක්සත් රාජධානියේ පදිංචිව සිටීමට සූදානම් විය යුතුය.

ශාස්ත්‍රපති (Master’s) උපාධි අයදුම්කරුවන් සඳහා

• ශ්‍රී ලංකා විශ්වවිද්‍යාල ප්‍රතිපාදන කොමිෂන් සභාව (UGC) විසින් පිළිගත් විශ්වවිද්‍යාලයකින්, අදාළ අධ්‍යයන ක්ෂේත්‍රයට සම්බන්ධ අවම වශයෙන් වසර 4ක කාලයක් සහිත උපාධියක් (SLQF 6) ලබා තිබිය යුතුය.
• එම උපාධිය සඳහා පළමු පන්තිය (First Class) හෝ දෙවන පන්තියේ ඉහළ සාමාර්ථයක් (Second Class Upper Division) ලබා තිබිය යුතුය.

PhD අයදුම්කරුවන් සඳහා

• ශ්‍රී ලංකා විශ්වවිද්‍යාල ප්‍රතිපාදන කොමිෂන් සභාව (UGC) විසින් පිළිගත් විශ්වවිද්‍යාලයකින්, අදාළ අධ්‍යයන ක්ෂේත්‍රයට සම්බන්ධ අවම වශයෙන් වසර 4ක කාලයක් සහිත උපාධියක් (SLQF 6) ලබා තිබිය යුතු අතර, එම උපාධිය සඳහා පළමු පන්තිය (First Class) හෝ දෙවන පන්තියේ ඉහළ සාමාර්ථයක් (Second Class Upper Division) ලබා තිබිය යුතුය.
• පිළිගත් විශ්වවිද්‍යාලයකින්, අදාළ අධ්‍යයන ක්ෂේත්‍රයට සම්බන්ධ ශාස්ත්‍රපති උපාධියක් (Master’s Degree – SLQF 9, 10 හෝ 11) ලබා තිබිය යුතුය.
• 2026 සැප්තැම්බර්/ඔක්තෝබර් මාසයට පෙර, එක්සත් රාජධානියේ හෝ ශ්‍රී ලංකාවේ විශ්වවිද්‍යාලයක PhD උපාධියකට හෝ PhD උපාධියක් සඳහා යොමු වන MPhil වැඩසටහනකට ලියාපදිංචි වී නොසිටිය යුතුය.
• අයදුම්පත්‍රයේ සඳහන් කර ඇති ආයතන අතරින් අවම වශයෙන් එක් එක්සත් රාජධානියේ ආයතනයක යෝජිත අධීක්ෂකවරයෙකුගෙන් (Proposed Supervisor) සහතික කිරීමේ/සහාය දැක්වීමේ ප්‍රකාශයක් (Supporting Statement) ඉදිරිපත් කළ යුතුය.

අයදුම් කරන ආකාරය

අයදුම්කරුවන් පහත දැක්වෙන අදාළ සබැඳිය (link) භාවිතයෙන් CSC මාර්ගගත අයදුම්පත් ද්වාරය (online application portal) හරහා සෘජුවම අයදුම් කළ යුතුය.

1. ආචාර්ය උපාධි (PhD) ශිෂ්‍යත්වයක් සඳහා අයදුම් කිරීමට: https://cscuk.fcdo.gov.uk/scholarships/commonwealth-phd-scholarships-for-least-developed-countries-and-vulnerable-states/
2. පශ්චාත් උපාධි (Master’s) ශිෂ්‍යත්වයක් සඳහා අයදුම් කිරීමට: https://cscuk.fcdo.gov.uk/scholarships/commonwealth-masters-scholarships/
3. CSC අයදුම්පත සම්පූර්ණ කිරීම පිළිබඳ උපදෙස් මෙතැනින් ලබාගත හැක: https://cscuk.fcdo.gov.uk/advice-for-applicants/

The post 2027 සඳහා එක්සත් රාජධානියේ ශ්‍රී ලාංකිකයින් සඳහා පොදු රාජ්‍ය මණ්ඩලීය (Commonwealth) පශ්චාත් උපාධි සහ ආචාර්ය උපාධි ශිෂ්‍යත්ව appeared first on Govdoc Blog.

පරිශීලකයින් වෙත වඩාත් කාර්යක්ෂම සහ උසස් සේවාවක් ලබා දීමේ අරමුණින්, ඉලෙක්ට්‍රොනික ආදායම් බලපත්‍ර (eRL 2.0) පද්ධතිය යාවත්කාලීන කිරීමට කටයුතු යොදා ඇත.

ඒ අනුව, 2026 සැප්තැම්බර් 25 වන සිකුරාදා දින සිට 2026 සැප්තැම්බර් 28 වන සඳුදා දින දක්වා කාලය තුළ පහත සඳහන් පළාත් 8 හි ඉලෙක්ට්‍රොනික ආදායම් බලපත්‍ර නිකුත් කිරීමේ සේවාවන් තාවකාලිකව අත්හිටුවන බව අදාළ පළාත් සභා විසින් දන්වා ඇත.

• මධ්‍යම පළාත
• උතුරු මැද පළාත
• වයඹ පළාත
• දකුණු පළාත
• නැගෙනහිර පළාත
• උතුරු පළාත
• සබරගමුව පළාත
• ඌව පළාත

අදාළ පද්ධති යාවත්කාලීන කිරීම්වලින් අනතුරුව, 2026 සැප්තැම්බර් 29 වන අඟහරුවාදා දින සිට නැවත සාමාන්‍ය පරිදි සේවාවන් ලබා දීමට පද්ධතිය සක්‍රීය කරනු ලැබේ. මෙම තාවකාලික සේවා අත්හිටුවීම හේතුවෙන් සේවාලාභීන්ට සිදුවන අපහසුතාවය පිළිබඳව අදාළ පළාත් සභා කණගාටුව පළ කර ඇත.

The post පළාත් 08 ක් සඳහා ඉලෙක්ට්‍රොනික වාහන ආදායම් බලපත්‍ර නිකුත් කිරීම තාවකාලිකව අත්හිටුවා ඇත appeared first on Govdoc Blog.

ශ්‍රී ලංකා දුම්රිය දෙපාර්තමේන්තුව විසින් නව ඩිජිටල් ප්‍රවේශපත්‍ර වේදිකාවක් හඳුන්වා දී ඇති අතර, ඒ හරහා මගීන්ට ප්‍රථම වරට අන්තර්ජාලය ඔස්සේ දුම්රිය ප්‍රවේශපත්‍ර මිලදී ගැනීමට අවස්ථාව හිමිවේ.’Pravesha’ (ප්‍රවේශ) ලෙස නම් කර ඇති මෙම නව සේවාව, www.pravesha.lk නිල වෙබ් අඩවිය මෙන්ම ඊටම වෙන් වූ ‘Pravesha’ ජංගම දුරකථන යෙදුම (mobile application) හරහා ද ලබා ගත හැකිය.මගීන්ට තම ගමන් විස්තර ඇතුළත් කර, ක්‍රෙඩිට් හෝ ඩෙබිට් කාඩ්පත් භාවිතයෙන් ගෙවීම් සිදු කිරීම මගින් ප්‍රවේශපත්‍ර මිලදී ගත හැකිය.

ගනුදෙනුව අවසන් වූ වහාම, කෙටි පණිවිඩයක් (SMS) හෝ විද්‍යුත් තැපෑලක් (email) මගින් මගියා වෙත විද්‍යුත් ප්‍රවේශපතක් (e-ticket) ක්ෂණිකව යවනු ලැබේ.මෙම විද්‍යුත් ප්‍රවේශපත්වල QR කේතයක් අඩංගු වන අතර, දුම්රිය ස්ථානවලදී සහ දුම්රිය තුළදී එය ස්කෑන් කර තහවුරු කරගත හැකි බැවින් භෞතික ප්‍රවේශපතක් භාවිත කිරීමේ අවශ්‍යතාව මින් මග හැරී යයි.’ප්‍රවේශ’ (Pravesha) හඳුන්වා දීම සිදු කෙරෙන්නේ, පොදු ප්‍රවාහන සේවා නවීකරණය කිරීමට සහ මගීන්ට වඩාත් පහසු හා කාර්යක්ෂම ප්‍රවේශපත් ලබා ගැනීමේ ක්‍රමවේදයන් සැපයීමට ශ්‍රී ලංකාව දරන පුළුල් ඩිජිටල්කරණ ප්‍රයත්නයේ කොටසක් වශයෙනි.

දුම්රිය ප්‍රවේශපත්‍ර ලබා ගැනීම සඳහා පාරිභෝගිකයින්ට නව ඩිජිටල් විකල්පයක් සපයමින්, මෙම මාර්ගගත ප්‍රවේශපත්‍ර මිලදී ගැනීමේ සේවාව 2026 සැප්තැම්බර් 17 වන දින සිට ආරම්භ කර ඇත.

The post ශ්‍රී ලංකාවේ දුම්රිය ප්‍රවේශපත්‍ර අන්තර්ජාලය ඔස්සේ මිලදී ගැනීමේ පහසුකම ආරම්භ කර ඇත appeared first on Govdoc Blog.

2026 වසරේ 5 වන ශ්‍රේණියේ ශිෂ්‍යත්ව විභාගය සමත් වූ ETFB සාමාජිකයින්ගේ සියලුම දරුවන්ට අපගේ උණුසුම් සුබ පැතුම්!

මෙම අරමුදලේ ක්‍රියාකාරී සාමාජිකයින්ගේ (ඕනෑම දෙමාපියෙකුගේ) 5 වන ශ්‍රේණියේ ශිෂ්‍යත්ව විභාගය සමත් වන දරුවන් 9,000 දෙනෙකුට රු. 15,000/- බැගින් වූ මූල්‍ය ආධාර පිරිනැමීම සඳහා අයදුම්පත් භාර ගැනීම ආරම්භ කර ඇත.මෙවර මුද්‍රිත අයදුම්පත් නිකුත් නොකරන බැවින්, කරුණාකර ලබා දී ඇති උපදෙස් අනුව මාර්ගගත (online) අයදුම්පත සම්පූර්ණ කරන්න.

• අයදුම්පත් භාර ගැනීමේ අවසන් දිනය 2026 ඔක්තෝබර් 31 වන දින වේ.

අයදුම්පත සම්පූර්ණ කර ඉදිරිපත් කිරීමේදී ඔබට සේවායෝජකයාගේ අයදුම්පත සහ අනෙකුත් ලේඛන උඩුගත කිරීමට (upload) සිදුවන බැවින්, කරුණාකර පහත දැක්වෙන 1 සහ 2 යන උපදෙස්වලට අනුකූලව අයදුම්පත සම්පූර්ණ කරන්න.

1. අයදුම්පත සම්පූර්ණ කිරීමට පෙර, සේවායෝජකයා විසින් පිරවිය යුතු ආකෘති පත්‍රය බාගත කර, දරුවා විභාගයට පෙනී සිටින අවස්ථාව වන විට ඔබ සේවය කළ ආයතනය ලවා එය සම්පූර්ණ කරවා ගත යුතුය.
2. සේවායෝජකයා විසින් සම්පූර්ණ කරන ලද එම ආකෘති පත්‍රය සහ උපදෙස් පත්‍රිකාවේ සඳහන් ඉදිරිපත් කළ යුතු අනෙකුත් ලේඛන ස්කෑන් (scan) කර PDF ගොනුවක් සකස් කළ යුතුය. එම ගොනුව ETF සාමාජිකයාගේ ජාතික හැඳුනුම්පත් අංකය යොදා නැවත නම් කළ යුතුය.

The post 2026 වසරේ 5 වන ශ්‍රේණියේ ශිෂ්‍යත්ව විභාගය සමත් වූ සිසුන් සඳහා ETF මණ්ඩලයේ ශිෂ්‍යත්ව appeared first on Govdoc Blog.

2025 වසරේ අ.පො.ස. උසස් පෙළ විභාග ප්‍රතිඵල පදනම් කර ගනිමින්, පුරප්පාඩු පිරවීමේ දෙවන වටය යටතේ රාජ්‍ය විශ්වවිද්‍යාලවල ප්‍රථම උපාධි පාඨමාලා සඳහා සිසුන් තෝරා ගැනීම මේ වන විට සිදු කර තිබෙනවා.විශ්වවිද්‍යාල ප්‍රතිපාදන කොමිෂන් සභාව විසින් අදාළ සිසුන් තෝරා ගැනීමේ කටයුතු සිදු කර ඇති අතර, එම තෝරාගත් සිසුන් සඳහා ලියාපදිංචි වීමේ කටයුතු මේ දිනවල ක්‍රියාත්මක වන බවයි සඳහන් වෙන්නේ.ඒ අනුව, මෙම වටය යටතේ විශ්වවිද්‍යාල පාඨමාලා සඳහා තේරී පත්වී ඇති සිසුන්, 2026 සැප්තැම්බර් මස 17 වැනිදාට පෙර ලියාපදිංචි කටයුතු අවසන් කළ යුතු බව විශ්වවිද්‍යාල ප්‍රතිපාදන කොමිෂන් සභාව පවසනවා.අදාළ ප්‍රතිඵල, විශ්වවිද්‍යාල ප්‍රවේශය සහ ලියාපදිංචි වීමට අවශ්‍ය වැඩිදුර තොරතුරු විශ්වවිද්‍යාල ප්‍රතිපාදන කොමිෂන් සභාවේ නිල වෙබ් අඩවිය (www.ugc.ac.lk) හරහා ලබා ගත හැකි බවයි වැඩිදුරටත් සඳහන් වන්නේ.

මූලාශ්‍රය – එසැණ පුවත්

The post විශ්වවිද්‍යාල ප්‍රවේශය සඳහා දෙවන වටයේ ලියාපදිංචි වීම් සැප්තැම්බර් 17 ට පෙර සිදුකරන ලෙසට දැනුම්දීමක් appeared first on Govdoc Blog.

2026/2027 අධ්‍යයන වර්ෂය සඳහා ඉන්දියානු රජයේ අනුග්‍රහය යටතේ හෝමියෝපති වෛද්‍ය උපාධි ශිෂ්‍යත්ව සඳහා සුදුසුකම් ලත් ශ්‍රී ලාංකික සිසුන්ගෙන් සෞඛ්‍ය හා ජනමාධ්‍ය අමාත්‍යාංශය අයදුම්පත් කැඳවා ඇත.ඉන්දීය රජයේ අනුග්‍රහය ඇතිව බටහිර බෙංගාල විශ්ව විද්‍යාලය යටතේ ස්ථාපිත කර ඇති කොල්කටා ජාතික හෝමියෝපති ආයතනයේ (NIH) හෝමියෝපති වෛද්‍ය උපාධි පාඨමාලාව හැදෑරීම සඳහා ශ්‍රී ලාංකික සිසුන්ට ශිෂ්‍යත්ව 10 ක් ලබා ගත හැකිය.

• ශිෂ්‍යත්ව ගණන – 10
• පාඨමාලා කාලය – අවුරුදු 5 1/2

සුදුසුකම්

• අ.පො.ස. (උසස් පෙළ) විභාගයේදී විද්‍යා විෂය ධාරාවෙන් භෞතික විද්‍යාව, රසායන විද්‍යාව සහ ජීව විද්‍යාව යන විෂයයන් එකවර සමත් වී තිබීම.
• අ.පො.ස. (උසස් පෙළ) විභාගයේදී සාමාන්‍ය ඉංග්‍රීසි විෂය සඳහා සමත් වී තිබීම.
• අ.පො.ස. (සාමාන්‍ය පෙළ) විභාගයේදී ඉංග්‍රීසි භාෂාව සඳහා සම්මාන සාමාර්ථයක් ලබා තිබීම.
• 2026 සැප්තැම්බර් 25 වන දිනට වයස අවුරුදු 18 ත් 25 ත් අතර විය යුතුය.

The post ඉන්දීය රජයේ හෝමියෝපති වෛද්‍ය උපාධි ශිෂ්‍යත්ව 2026 appeared first on Govdoc Blog.