ධම්මික පෙරේරා දිවුරුම් දෙයි

ව්‍යාපාරිකයෙකු වන ධම්මික පෙරේරා මහතා අද (ජුනි 22) පාර්ලිමේන්තු මන්ත්‍රීවරයෙකු ලෙස කථානායක මහින්ද යාපා අබේවර්ධන මහතා ඉදිරියේ දිවුරුම් දුන්නේය.

පාර්ලිමේන්තු සැසිවාරය අද උදෑසන 10.00ට ආරම්භ විය.

හිටපු මුදල් අමාත්‍ය බැසිල් රාජපක්ෂ මහතා ඉල්ලා අස්වීමත් සමඟ පුරප්පාඩු වූ ජාතික ලැයිස්තු මන්ත්‍රී ධුරය සඳහා පෙරේරා මහතාගේ නම මැතිවරණ කොමිසමට යෝජනා විය.

ඒ අනුව ශ්‍රී ලංකා පොදුජන පෙරමුණේ (SLPP) පාර්ලිමේන්තු මන්ත්‍රීවරයෙකු ලෙස ඔහුගේ නම මැතිවරණ මණ්ඩලය විසින් ජුනි 10 වන දින ගැසට් කරන ලදී.