විදෙස්ගත ශ්‍රමිකයන්ට අතිරේක තීරුබදු සහනයක්

විගමනික ශ්‍රමිකයින් වසරක කාලයක් තුළ මෙරටට එවූ විදෙස් ප්‍රේෂණ ප්‍රමාණය මත පදනම් වෙමින් ඔවුන්ට අතිරේක තීරුබදු දීමනාවක් ලබාදීමට රජය තීරණය කර තිබෙනවා.

විගමනික ශ්‍රමිකයින් 2022 වසරේ මැයි මස පළමුවැනිදා සිට වසරක කාලයක් තුළ මෙරටට එවන ලද ප්‍රේෂණවල වටිනාකම පදනම් කර ගනිමින් අතිරේක තීරුබදු දීමනාවක් ඔවුන්ට ලබාදීමට තීරණය කර ඇති බවයි සඳහන් වන්නේ.

ඒ අනුව විදේශගත ශ්‍රමිකයන් දිරිගැන්වීම සඳහා එම කාලසීමාවට දෙන තීරුබදු සහනයට අමතරව, ලංකාවට එවා ඇති ප්‍රේෂණ ප්‍රමාණය සැලකිල්ලට ගෙන මෙම අතිරේක තීරුබදු සහනය ලබාදෙන බවත් LankaRemit ජංගම දුරකථන යෙදුම හරහා මේ සඳහා ඉල්ලුම් කළ හැකි බවයි විදේශ රැකියා ප්‍රවර්ධන අමාත්‍යාංශයේ අතිරේක ලේකම්, කේ.ඩී.ආර්. ඔල්ගා සඳහන් කළේ.

ඒ අනුව අදාළ අතිරේක තීරුබදු සහනයන් පහතින්,

* ඩොලර් 2,400 සිට 4,799 දක්වා – ඩොලර් 600 ක බදු සහනක්
* ඩොලර් 4,800 සිට 7199 දක්වා – ඩොලර් 960 ක බදු සහනක්
* ඩොලර් 7200 සිට 11,999 දක්වා – ඩොලර් 1,440 ක බදු සහනක්
* ඩොලර් 12,000 සිට ඩොලර් 23,999 දක්වා – ඩොලර් 2,400 ක බදු සහනක්
* ඩොලර් 24,000ට වඩා වැඩි – ඩොලර් 4,800 ක බදු සහනක්