ජූලි මස 01 වන දින සිදු කල යුතු විදුලි ගාස්තු සංශෝධනය පිළිබඳව විදුලිබල මණ්ඩලය විසින් සකස් කරනු ලැබූ විදුලි ගාස්තු යෝජනාව අද සවස මහජන උපයෝගීතා කොමිසම වෙත භාරදී ඇති බව විදුලිබල හා බලශක්ති අමාත්ය කංචන විජේසේකර පවසනවා.
රජයේ ප්රතිපත්ති තීරණ සහ විදුලි ගාස්තු සංශෝධන යෝජනා ඉදිරිපත් කල යුතු ක්රියාවලිය අනුගමනය කරමින් සෑම වර්ෂයකම දෙවතාවක්, එනම් ජනවාරි 01 වනදා සහ ජූලි මස 01 වනදා සිදු කල යුතු විදුලි ගාස්තු සංශෝධනයට අනුකූලව එය සිදුකර ඇති බවයි සඳහන් වන්නේ.
විදුලිබල මණ්ඩලය විසින් එම යෝජනාව සකස් කිරීමේදී සත්ය විදුලිය ජනන දත්ත සහ විදුලිය විකුණුම් දත්ත ද, ඉන්ධන, ගල් අඟුරු සහ අනෙකුත් අමුද්රව්ය සත්ය මිල ගණන් ද ඇතුළත්ව එම යෝජනාව සකස් කර ඇති බවයි සඳහන් වන්නේ.
එසේම 2023 විදුලි ජනන සැලසුම සහ විදුලි අවශ්යතාවය සැලකිල්ලට ගනිමින්, විදුලි ගාස්තු සංශෝධනය කිරීමේදී එහි උපරිම ප්රතිලාභය, විදුලිය අඩු වශයෙන් භාවිතා කරන පාරිභෝගිකයන් වෙත ලබා දීම අරමුණු කර ගෙන එම යෝජනාව සකස් කර ඇති බවයි විදුලිබල හා බලශක්ති අමාත්ය කංචන විජේසේකර Twitter පණිවිඩය මඟින් වැඩිදුරටත් සඳහන් කර තිබෙන්නේ.
අදාළ Twitter පණිවිඩය පහතින්,
govdoc blog
Add comment