හෝමියෝපති වෛද්‍ය සභාවේ ඖෂධ සංයෝජක බඳවා ගැනීම සඳහා වන NVQ පාඨමාලාව සඳහා අයදුම්පත් කැදවීම

හෝමියෝපති වෛද්‍ය සභාවේ ඖෂධ සංයෝජක බඳවා ගැනීම සඳහා වන NVQ පාඨමාලාව සඳහා අයදුම්පත් කැදවීම

හෝමියෝපති වෛද්‍ය සභාවේ ලියාපදිංචි ඖෂධ සංයෝජක තනතුර සඳහා අවශ්‍ය ජාතික වෘත්තීය කුසලතා (NVQ) පාඨමාලාව හැදෑරීම සඳහා සුදුසුකම්ලත් අයදුම්කරුවන්ගෙන් අයදුම්පත් කැදවනු ලැබේ.

මූලික සුදුසුකම්

• අධ්‍යාපන සුදුසුකම් : අධ්‍යයන පොදු සහතික පත්‍ර (සාමාන්‍ය පෙළ) විභාගයෙන් අවම වශයෙන් විෂයයන් හයක් (06) සමත් වී තිබිය යුතුය.
• වයස් සීමාව : අයදුම්පත් භාරගන්නා අවසන් දිනය වන විට වයස අවුරුදු 18ත් 45ත් අතර විය යුතුය.
(අභ්‍යන්තර අයදුම්කරුවන් සඳහා උපරිම වයස් සීමාව අදාළ නොවේ.)

වෙනත් සුදුසුකම්

• ශ්‍රී ලංකාවේ පුරවැසියෙකු විය යුතුය.
• දිවයිනේ ඕනෑම ප්‍රදේශයක රාජකාරි ඉටු කිරීම සඳහා අවශ්‍ය ශාරීරික හා මානසික යෝග්‍යතාවයෙන් යුක්ත විය යුතුය.
• මනා චරිතයකින් යුක්ත විය යුතුය.

පාඨමාලා ගාස්තුව

• රු. 25,000/-

ගාස්තු ගෙවීම සහ අයදුම්පත් ඉදිරිපත් කිරීම පිළිබඳ උපදෙස්

1. කරුණාකර රු. 25,000/-ක පාඨමාලා ගාස්තුව පහත සඳහන් බැංකු ගිණුමට බැර කල යුතුය.
2. ඉන්පසු, ගෙවීමේ අරමුණ පැහැදිලිව සඳහන් කර ඇති ගෙවීම් රිසිට්පතේ මුල් පිටපත, පහත දක්වා ඇති ආකෘතියට අනුව සකස් කරන ලද සම්පූර්ණ කරන ලද අයදුම්පතට අමුණන්න.
3. එම සම්පූර්ණ ලේඛන කට්ටලය ලියාපදිංචි තැපෑලෙන් පහත සඳහන් ලිපිනයට යොමු කල යුතුය ; එම ලේඛන 2026 ඔක්තෝබර් 31 වන දින හෝ ඊට පෙර ප්‍රාදේශීය ලේකම් කාර්යාලයේ ලේකම්වරයා වෙත ලැබෙන බවට තහවුරු කර ගත යුතුය.

• ගිණුමේ නම: හෝමියෝපති අරමුදල (Homoeopathic Fund)
• ගිණුම් අංකය: 0002026466
• බැංකුව සහ ශාඛාව: ලංකා බැංකුව (BOC), තේවත්ත ශාඛාව
• ලිපිනය: ලේකම්, හෝමියෝපති වෛද්‍ය සභාව, අංක 94, ෂෙල්ටන් ජයසිංහ මාවත, වැලිසර, රාගම.